Tej uas txais tau thaum kawg – thiaj yog tag nrho tej uas lub ntiajteb no tshua txog. Koj siv zog npaum cas tsis tseem ceeb, lawv tsuas paub tias koj tau ntau npaum li cas xwb. Txoj kev no ntau zaug tseem txeem los rau hauv lub neej ntseeg, ua rau peb qaug zog vim hnov tias yus zoo tsis tau txaus. Peb siv zog hauv tej haujlwm, siv zog ua haujlwm, tiamsis ntau zaug tej uas peb swb ntawm lub neej yeej tshwm los. Tiamsis muaj ib qhov tseeb loj tshaj txhua txoj kev puas tshuaj ntawm lub tshav sib tw hauv ntiajteb no: peb yog cov tuaj phab muaj yeej tog, vim peb Leej Txiv saum ntuj ceeb tsheej ib txwm twb kov yeej txhua yam lawm.

Hnub no, yog hnub 16/06/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Ben Ledger dhau ntawm Zaj kawm KEV MUAJ YEEJ THAUM KAWG

“Cov nplej uas zoo hlais lawm muaj ntau, tiamsis cov neeg uas hlais muaj tsawg. Nej cia li thov tus tswv teb kom nws txib dua ib co neeg mus pab hlais nws cov nplej.” (Mathais 9:37-38).

Kuv nyiam txoj kev ncaws pob heev, thiab kuj nyiam txoj kev txhais tej xov xwm. Tiamsis ob qhov kev xav no tsis tshua sib txuas ua ke, tiamsis muaj ib qhov tshwj xeeb yog thaum uas tag nrho ob yam no sib txuas ua ke thiab qhia rau kuv ib zaj kawm txog kev ntseeg muaj nqis heev.

Xyoo dhau los, kuv tus tub pib ncaws pob. Nws nyiam ua tus thaiv qhov rooj. Kuv xav txog yuav zoo heev yog tias kuv yog tus suav tau tsawg zaus nws cawm tau lub pob thiab cia lub pob nkag rau hauv tom qab txhua zaug sib twv. Tsis yog tseg txaus siab rau kuv txoj kev xav paub txog tej kuv ntsuas tau, tiamsis tseem yog txoj kev pab kom kuv dim ntawm txoj kev tsimtxom txog tej kev puas tshuaj. Piv txwv, tomqab ib txoj kev sib twv dhau, nws txaus siab heev qhuas rau pog thiab yawg nkawd: “Kuv tsuas thaiv tsis tau ob lub xwb, tiamsis kuv ho thaiv tau tsib zaug tsis pub nkag.”

Tiamsis muaj ib qhov tseeb txaus ntshai yog thaum uas sawv ntawm thaj chaw ua tus zov qhov rooj. Txawm koj yuav thaiv zoo npaum cas, thaum kawg yeej txiav txim los ntawm tau ntau lossis tsawg. Cov tib neeg nyiam kev ncaws pob tej zaug yuav tsis muaj neeg hnov qab tej uas Tim Howard ua tau nyob rau World Cup 2014. Yawg thaiv tau 16 zaug tsis pub nkag thaum nws pab sib twv nrog pab Bỉ tab tom kub siab heev ntawd. Tiamsis, thaum kawg nws yeej cia nkag ob lub. Vim pab Mekas tsuas ncaws nkag ib lub xwb, txawm yog yuav thaiv tau zoo npaum twg los, lawv yeej yuav swb.

Kuv tus tub kuj saj tau txoj kev puas tshuaj zoo li ntawd. Muaj tej zaug sib twv, nws cov menyuam xwb txawm yog twb thaiv tau txhua lub pob uas ncaws los rau ntawm nws lub qhov rooj. Nyob rau tej kev sib tw ntawm cov menyuam yaus, tag nrho lawv puav leej yuav tau sim rau txhua qhov chaw, thiab lwm tus los thaiv qhov rooj lawv cia lub pob nkag qhov rooj ntau dua li tej uas lawv ncaws nkag lwm tus lub qhov rooj.

Thaum xav txog qhov no, kuv xav txog daim duab hauv Pawg Ntseeg. Qhov twg yog qhov txawv, uas Tswv Yexus ua tau thaum uas nws tseem nyob hauv ntiajteb, thiab cov thwjtim kev siv zog thaum Tswv Yexus rov qab mus saum ntuj? Ntu Vajluskub luv luv hauv Mathais 9:18-33 yog qhov pov thawj tseg rau Vajtswv lub hwjchim. Kev tuag, tej kab mob kev nkeeg, dig muag, thiab dab ntxwgnyoog kev tsim txom ua rau tib neeg ntsiag to – tag nrho puav leej swb Tswv Yexus. Yeej tsis muaj ib txoj kev tawm tsam twg uas yeebncuab tua tuaj yuav hla dhau Tswv Yexus!

Tiamsis, tomqab tej txujci ntawd, Tswv Yexus tau samhwm ib lo lus caw peb nkag los rau hauv lub tshav sib tw: “Ces Yexus hais rau nws cov thwjtim hais tias, “Cov nplej uas zoo hlais lawm muaj ntau, tiamsis cov neeg uas hlais muaj tsawg. Nej cia li thov tus tswv teb kom nws txib dua ib co neeg mus pab hlais nws cov nplej.” (Mathais 9:37-38).

Dhau ntawm txoj kev tuag thiab sawv rov qab los, Tswv Yexus ua pov thawj rau ntawm tib neeg txoj kev sib tw tias, txoj sia kov yeej kev tuag lawm. Ntawm no yog ib txoj kev muaj yeej loj! Thaum uas tseem tab tom sib twv nyob rau hauv lub tshav sib tw hauv ntiajteb no, peb yuav tau nco ntsoov tig mus saib cov leb ntawm sab ntsujplig. Yog muaj tej zaug peb tsis ceev faj peb cia tog tod ncaws nkag peb qhov rooj, kuj muaj tej lub sijhawm peb ua xyem xyav rau tej kev ntxeev ntxias uas tsimnyog peb yuav tau txiav txim sai dua. Tiamsis nco ntsoov tias: nyob hauv Vajtswv pab tub rog, peb yog pab uas muaj yeej.

Pab ntawv tsis yog tsuas muaj “ob peb tug xwb” thiaj ci saum rooj qhuab qhia. Nws yog tej paj txiv ntawm ib pawg neeg ntseeg Txojmoo Zoo. Ib tug nws yuav ncaws nkag lub qhov rooj tov ntau, tiamsis tag nrho puav leej yog vam khom los ntawm txoj kev koom siab, ncaj ncees ua twjywm sib pab ntawm cov uas nyob hauv pawg.

Yog li thaum uas txog yus lub sijhawm tiv kev sim siab, yuav tau koom siab nrog Vaj Ntsujplig tsim muaj lub sijhawm ncaws nkag tog tod kom tau zoo. Yog tsis tau txog yus lwm, yuav tau koom tes nrog yus tej kwv tij kom nthuav tawm txoj kev koom ua ib lub siab thiab muaj lub siab tawv. Vim thaum lub suab tswb tshua thaum kawg nrov tuaj, txoj kev zoo siab tsis yog tsuas nrov ib pliag, hauv tej kev txhawj nrog rau “ntsus kev sib tw tom ntej. Nyob hauv Vajtswv peb yog cov neeg muaj yeej mus ib txhis!

Thov caw nrog kuv peb thov Vajtswv ua ke: Leej txiv ua koj tsaug vim nyob hauv lub neej muaj ntau yam hloov pauv, Koj yog tus tiv thaiv kuv tus ntsujplig kom muaj kev kaj siab. ua Vajtswv tsaug vim txoj kev muaj yeej loj uas koj tau tseg rau kuv dhau ntawm txoj kev sawv hauv qhov tuag rov qab los. Thov zam txim rau kuv tej lub sijhawm uas kuv pheej saib ntsoov tej kev puas tshuaj, txhua zaug uas kuv swb txoj kev ntxeev ntxias thiab qaug zog, kuv hnov qab tias kuv twb tuav ruaj ruaj feem muaj yeej los ntawm koj txoj kev hlub. Thov Vaj Ntsujplig pub rau kuv muaj lub siab tawv kom nqes tes, txuas nrog tej kwv tij ib ncig koom ua ib lub siab, kom txhua txoj haujlwm kuv ua, txhua lo lus kuv hais puav leej koom tes nthuav tawm Vajtswv lub hwjchim rau ntiajteb. Kuv thov txais yuav hnub tshiab los ntawm lub siab kaj siab lug, vim kuv paub tias thaum kawg koj twb nias lub cim rau txoj kev muaj yeej lawm. Kuv thov hauv Tswv Yexus Khetos lub npe, Amees.

Cov kwv tij, lub suab tshua thaum xaus rau lub neej no tseeb tiag tsis yog qhov xaus. Nws yog qhov pib ntawm txoj kev txais kev zoo siab rau kev muaj yeej. Txhob cia tog tov ncaws nkag ob peb lub ua rau koj qaug zog, kuj txhob cia tej yam uas dawm taw hauv lub neej nag hmo tuav koj txhais taw cia. Tso siab, vim nyob hauv lub tshav sib twv no koj yeej tsis nyob ib leeg. Peb yog ib pab twb tuav txoj kev muaj yeej lawm, vim Tswv Yexus twb ncaws nkag hloov peb chaw saum tus ntoo khaublig thaum ub lawm. Koj thiab kuv wb qhov haujlwm thaum no yog ua siab ntev mus ntxiv, thiab saib tus leb uas nyob mus ib txhis- qhov chaw uas koj lub npe yuav tau muab sau cia rau cov neeg muaj yeej. Txoj kev zoo siab no yuav tsis muaj hnub tas, thiab txoj kev muaj yeej yuav yog koj li mus li.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.