Muaj ib qhov tseeb tias yog, peb tib neeg tus cwjpwm yeej nrhiav txoj kev nyob kom tso siab. Peb nyiam teeb hom phiaj zoo zoo, nyiam teeb lub neej tom ntej uas yus xam tsis pom ntawd kom txhij. Tsis paub peb puas txaus siab hlo tso tej uas peb ib txwm swm tawm hauv qhov chaw tso siab mus rau qhov chaw uas Vajtswv hu peb? Lossis peb yuav kav liam cia tej kev txhawj, tej kev tsis tso siab ntawv tuav peb taw mus li?

Hnub no, yog hnub 17/06/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Martha Noebel dhau ntawm Zaj kawm MUAJ LUB SIAB TAWV TXHAIS RUAM MUS RAU TXOJ KEV TSHIAB

“Thaum nej taug kev mus sabxis lossis sablaug, nej yuav hnov nws lub suab hu tom qab tuaj hais tias, “Txojkev tseeb yog txoj no. Cia li taug txoj no ntag” (Yaxayas 30:21).

Tomqab sib yuav, wb ib niam txiv ntsib ntau qhov teeb meem yuav tau daws. Kuv tus txiv poob haujlwm tomqab uas wb sib yuav thiab nrhiav tsis tau ib qhov haujlwm twg nyob ze tsev. Tseeb tiag, wb ob tug puav leej npaj tias yuav txav mus nyob rau lwm qhov, tiamsis ntawd yog tom ntej xwb. tshuav tamsim no, kuv ces cim civ thov so haujlwm – yog wb qhov nyiaj yuav pab wb lub sijhawm no ntag – mloog xwb txaus ntshai dhau. Hais txog seem nyiaj txiag, nws yog ib txoj kev mus tsis yog. Tiamsis hauv kuv lub siab, kuv hnov cuag li Vajtswv tab tom hu kuv, tshoov kom wb mus rau ib txoj kev tshiab.

Nyob hauv Vajluskub, Luv kuj sawv ntawm ib txoj kev xaiv yuav tau txiav txim siab li ntawd. Thaum pog tus txiv tag sim neej, Luv poob rau ntu tag kev cia siab tsis paub ua cas nrog nws niam pog yog Na-au-mis thiab niam laus Aunpas. Peb tug pojntsuam sib pheeb ua neej. Vim Na-au-mis tsis tshuav ib tug tub twg ntxiv, pog thiaj hais kom Luv thiab Aunpas nkawd nyias rov qab mus nrog nyias neej tsa nyob nrhiav dua lub neej tshiab. Saib txoj kev coj noj coj ua thiab kev ua noj lub sijhawm ntawd, txoj kev no yog txoj kev zoo tshaj pub rau ob tug pojniam hluas no. Aunpas xaiv rov qab mus nrog nws niam nws txiv nyob, tiamsis Luv tsis mus. Pog hais rau nws niam pog tias:

“Tsis txhob txwv kuv! Cia kuv nrog koj mus. Koj mus qhov twg, kuv yeej yuav nrog koj mus qhov ntawd; koj nyob qhov twg, kuv yuav nrog koj nyob qhov ntawd. Koj haivneeg yuav yog kuv haivneeg thiab koj tus Vajtswv yuav yog kuv tus Vajtswv” (Luv 1:16).

Luv qhov kev txiav txim siab lub sijhawm ntawd saib cuag li tsis zoo, tsis ua zoo xav, ntau zaug tseem yog nws tsis paub ris nws lub nra. Nws tsis mus raws li tib neeg txoj kev tiv thaiv. Nws xaiv tawm ntawm nws qhov chaw tso siab. Thaum xaiv muab nws lub neej txuas ua ke nrog Na-au-mis, Luv cuag li muab nws lub sijhawm rov qab yuav dua txiv tshiab kaw cia- yog tib txoj kev tseg rau ib tug pojniam thaum ntawd nws muaj lub neej zoo, tso siab. ntawm no yog ib txoj kev xaiv tsis yooj yim. Thaum nws yuav tau cim civ muab nws lub neej yav dhau los kaw cia nkag mus rau hauv ib txoj kev tshiab cuag li tsis paub tom ntej. Nws txais yuav tso txhua yam tom qab nws tej kev ntseeg qub thiab tej uas nws ib txwm swm nyob hauv nws lub tebchaws los ntseeg ib tug Vajtswv muaj sia thiab koom rau ib haiv neeg tshiab. Txoj kev xaiv no yuam kom yuav tau muaj lub siab tawv, pib ntawm ib txoj kev ntseeg ruaj khov, siab tshaj txoj kev ntshai txog lub neej tom ntej.

Tiamsis Vajtswv ncaj ncees rau Vajtswv cov menyuam. Vajtswv tau foom hmoov rau Luv txoj kev ntseeg. Tsuas tau ob peb hli tomqab thaum Na-au-mis rov los txog hauv Npelehees, Luv tau txais koob hmoov ntawm Npau-am xub ntiag yog ib tug txheeb ze ntawm Luv tus txiv yav dhau los. Luv zaj xwm dhau los ua ib zaj xwm zoo tshaj tau sawv daws nyiam nyob hauv Vajluskub. Vajtswv tsis cia kom Luv raug swb, Nws txhawm rau tej uas Luv tau muab tso tseg. Nws pub rau Luv. Vajtswv muab ib tug txiv pub rau Nws, hlub nws, tib txhij ntawd qhib dua ib txoj kev tshiab puv npo lub suab luag thiab muaj kev cia siab rau Luv thiab Na-au-mis.
Txawm yog kuv lub neej tsis phem zoo li Luv los, kuv kuj txiav txim so haujlwm nrog kuv tus txiv txav mus nyob lwm lub chaw. Ntawm no yog ib qhov kev txiav txim siab phomsij. Wb txhais ruam mus rau tom ntej pib ntawm tsis muaj dabtsi: tsis muaj nyiaj, tsis muaj kev pab, tsis muaj ib lo lus cog tseg ruaj khov ntawm tib neeg ntiajteb. Tiamsis, peb pom tias: kev kaj siab hauv Vajtswv lub siab nyiam ruaj khov ntau dua txoj kev ruaj siab txog nyiaj txiag. Thiab tseebb tiag, Vajtswv pub rau wb yeej muaj txaus txhua yam nyob rau txoj kev taug ntawd. Tau ob peb hli tom qab, kuv tus txiv nrhiav tau haujlwm tshiab, thiab wb pib koom txhim tsa wb lub neej – ib lub neej nyob ua ke pauv qhov uas ib tug yuav tau nrug deb ib tug.
Kuj zoo ib yam li Luv, wb qhov kev txiav txim nws txawv coob tug. Tiamsis wb nkag siab tias: tuaj yeem txais yuav kev phom sij nrog Vajtswv mus tseem zoo dua li uas xaiv ib txoj kev tso siab plhuav uas tsis muaj Vajtswv.

Thov caw nrog kuv peb thov Vajtswv ua ke: Tus Tswv, thaum sawv ntawm tej kev txiav txim siab loj hauv lub neej, kuv lub hlwb raug vij puas ncig los ntawm tej kev txhawj, kev ntshai thiab tag nrho tej nra nyhav hauv ntiajteb. Kuv yooj yim nrhiav tau qhov kev tso siab ntawm nyiaj txiag, meej mom thiab tag nrho tib neeg tej kev xam dua li uas nrhiav Vajtswv txoj kev tshwm ntsej muag. Thov zam txim rau kuv tej lub sijhawm uas kuv tsis muaj kev ntseeg, tej lub sijhawm uas kuv cim civ siv zog qhib kev tiamsis hnov qab tias Vajtswv thiaj yog tus coj kev. Thaum no, thov Vajtswv pub kom kuv muaj lub siab tawv zoo li Luv thaum qub, kam muab tej uas yog yav dhau los tso tseg, tawm ntawm qhov chaw tso siab caum Vajtswv lub siab. Kuv thov hauv Tswv Yexus Khetos lub npe, Amees.

Cov kwv tij txhua tus, yog tias hnub no, koj tab tom sawv ntawm ib txoj kev txiav txim nws tsis raws li tej uas ntiajteb qhia, cia li tseg ib lub sijhawm ntawd los mloog Vajtswv hais. Vajtswv tab tom xav kom koj mus raws li txoj kev twg? Txhob cia tej kev ntshai khi koj txoj kev ntseeg, txawm yog txoj kev tom ntej yuam kom koj yuav tau nqes tes. Nco ntsoov tias, kev kaj siab tiag tsis nyob ntawm qhov uas peb paub zoo peb lub neej tom ntej, tiamsis nyob ntawm qhov chaw peb paub tus uas tuav peb lub neej tom ntej tab tom nrog peb mus ua ke.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.