“Tomqab ib tug ntxhais zoo yog ib leej txiv txawj heev.” Tej zaug ntawm no yog ib nyob hauv tej lo lus zoo tshaj txog leej txiv thiab txiv tus qauv zoo pub rau nws tej menyuam. Tseeb tiag, nyob hauv lub ntiajteb tsis muaj kev kaj siab thiab hloov pauv no, tau loj hlob hauv txoj kev hlub, tau coj thiab ib leej txiv hwm Vajtswv thov Vajtswv rau yus yog ib nyob hauv tej koob hmoov loj uas ib tug neeg ua menyuam li kuv niaj hnub ntshaw.

Hnub no, yog hnub 24/06/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm LEEJTXIV IB TUG NTXHAIS

“Nws teb hais tias, “Kuv xav tau ob peb lub qhovdej. Rau qhov thaj av uas koj muab rau kuv ntawd yog av qhua xwb.” Yog li ntawd, Kalej thiaj muab thaj av uas muaj ib lub qhovdej nyob sab ped thiab ib lub nyob sab nrad rau nws tus ntxhais” (Cov Thawj Tswj 1:15).

“Kalej, nws hais tias, “Yog leejtwg mus tua yeej lub nroog Kili-as Sefeles, mas kuv yuav muab kuv tus ntxhais Akhexas rau nws yuav ua pojniam.” Authaniyees uas yog Kalej tus kwv Kenaxes tus tub thiaj mus txeeb tau lub nroog ntawd, yog li ntawd, Kalej thiaj muab nws tus ntxhais Akhexas rau Authaniyees yuav. Hnub uas txis tshoob Authaniyees taij Akhexas kom thov nws txiv muab ib thaj teb rau nkawd. Akhexas thiaj nqis saum nws tus neesluav nraubqaum los, thiab Kalej nug hais tias, “Me ntxhais koj xav tau dabtsi?” Nws teb hais tias, “Kuv xav tau ob peb lub qhovdej. Rau qhov thaj av uas koj muab rau kuv ntawd yog av qhua xwb.” Yog li ntawd, Kalej thiaj muab thaj av uas muaj ib lub qhovdej nyob sab ped thiab ib lub nyob sab nrad rau nws tus ntxhais (Cov Thawj Tswj 1:12-15).

“Txiv!!!” Wb tus ntxhais lub suab ntxhia deb deb tuaj nrog lo lus “o” zoo li ib ntsiav thaj muag muag, rub tau ntev ntev thiab qab zib heev ntawd. Los ntawm lub suab no, kuv thiab kuv tus txiv luag twj ywm vim paub tias lo lus txuas ntxiv nws yuav thov ib yam dabtsi twg ntawd, thaum uas nyuam qhuav kawm tiav ib xyoo, nws tau siv zog heev thiab kawm tau ntawv zoo.

“kuv xav nrog tsev kawm ntawv mus ua si, niam thiab txiv neb pub kuv mus ov!!!” rov qab ntxiv lo lus “ov” ntev heev rau. Nrog nws zoo siab rau lub xyoo kawm ntawv dhau los tas, kuv tus txiv nplhws nws taub hau, luag thiab hais tias: “tau!” kuv tus txiv nws yeej ib txwm thooj yim rau tej uas menyuam thov, tiamsis yeej nco ntsoov nug ntxiv tias: “Txiv nug cov kws qhia ntawv ntxiv txog lub sijhawm mus ua si tas mam suam npe rau koj.”

Saib nkawd ob txiv tub sib tham, kuv rov qab nco txog daim duab ib tug menyuam ntxhais thiab nws txiv nkawd nyob hauv Vajluskub. Tus ntxhais ntawd muaj ib leej txiv muaj koob nto npe heev, thiab nws kuj muaj ib lo lus taij thov txiv tshwj xeeb. Tus ntxhais ntawd yog Akhexas.

Zaj xwm hais txog Akhexas, tus uas yog Kalej tus ntxhais tau sau txog nyob hauv Yausuas 15:16-19 thiab cov Thawj Tswj 1:12-15. Nws muaj ib lo lus taij thov tshwj xeej heev tseg rau nws txiv:

“Kuv xav tau ob peb lub qhovdej. Rau qhov thaj av uas koj muab rau kuv ntawd yog av qhua xwb.” Yog li ntawd, Kalej thiaj muab thaj av uas muaj ib lub qhovdej nyob sab ped thiab ib lub nyob sab nrad rau nws tus ntxhais (Cov Thawj Tswj 1:15).

Sefeles yog cheeb tsam moj sab qhua, qhuav qhawv, tsis tshua muaj nag, ntuj kub heev thiab tsis tshua muaj dej, kuj yog ib nyob hauv peb cheeb tsam (nrog tej toj roob hauv pes thiab moj sab qhua” uas xeem Yudas tau nqes mus ntaus thiab raws cov pej xeem Kana-as tawm. Hais tau tias, Sefeles yog ib qhov kev sim siab loj heev rau ib tug “ntxhais”. Tiamsis Akhexas yog leej twg? Nws yog Kalej tus ntxhais, ib nyob hauv ob tug neeg uas tau tawm hauv tebchaws Iziv los mus nyob rau tebchaws cog lus tseg, ib tug neeg muaj kev ntseeg, yog cov Yixalayees ib tug thawj tub rog. Vajluskub tsis sau meej meej txog Kalej tsev neeg lub neej txhua hnub, yawg hais dabtsi, yawg coj li cas, yawg nrog tej menyuam ua si li cas, qhia tej menyuam li cas, hlub tsev neeg thiab hlub Vajtswv tej kevcai npaum cas, nrhiav Vajtswv ua tus coj npaum twg? Tiamsis tsuas dhau ntawm Akhexas cov lus taij thov xwb, peb yuav pom tau ntau yam.

Akhexas txais tau Sefeles ua qub txeeg qub teg. Yog ib qhov khoom plig, thiab kuj yog ib qhov kev sim thiab ib lub nra loj rau nws thiab nws tus txiv Authaniyees, tus uas yog cov neeg Yixalayees ib tug txiav txim, tus mus txeeb thiab yog tus yuav kav. Akhexas nws yeej txais yuav lub nra no. tiamsis nws thov kom Nws txiv faib cov hauv paus dej pem toj thiab nram qab, tej qhov dej uas yuav ua rau cheeb tsam Selefes qhuav qhawv uas nws muaj kom ciaj sia. Cov lus thov no yog ib cov lus txawj ntse thiab ntsia pom deb heev ntawm Akhexas. Qhov no tsis yog cia li thov tamsim, tiamsis kuv ntseeg tias qhov kev txawj ntse no nws muaj nyob puag thaum Akhexas tseem me thaum nrog nws txiv nyob ua ke, kawm ntawm nws txiv los.

Tej hauv paus dej kuj yog tej uas tseem ceeb ntawm kev ua rog thiab kev ua lub neej txhua hnub. Yam uas ua rau kuv xav txog ntawd yog: Akhexas paub tias nws muaj cuab kav thov txiv. Nws tsis nyob tos, nws kuj tsis txaj muag nthuav tawm nws qhov kev cheem tsum rau txiv. Ntawd yog lub cim ntawm ib tug menyuam tau cob qhia hauv txoj kev hlub thiab ruaj khov. Ib tug menyuam loj hlob hauv tsev neeg hwm Vajtswv yuav kawm tau txoj kev ntsia pom deb dua tej uas zoo ntawm qhov muag kom nrhiav tau yam muaj nqis tiag.

Muaj ntau zaug, peb kuj zoo li tab tom ua neej nyob ntawm “Selefes” qhuav qhawv hauv yus lub neej. Peb kuj muaj haujlwm, kuj muaj lub nra… tiamsis sab ntsujplig qhuav qhawv. Thiab yam uas peb cheem tsum tshaj yog tej “hauv paus dej” los ntawm Vajtswv los, yog kev tshwm ntsej muag, yog txojsia ntawm Vajtswv.

Yam uas zoo ntawm Kalej yog nws ua raws li tej uas Akhexas thov, tus uas yog nws tus ntxhais “muab cov qhov dej pem toj thiab nram hav rau nws tus ntxhais.” Daim duab ntawd ua rau kuv xav txog Vajtswv lub siab thiab Vajtswv txoj kev muab pub nplua mias, thaum nws cov menyuam taij thov nws los ntawm lub siab yog nyob hauv Vajtswv lub siab nyiam.

Kom muaj tej ntxhais thiab tej tub muaj kev ntseeg ruaj khov ntawm Vajtswv, npaj txhij los ris lub nra, ntsia pom muaj kev txawj ntse… ces peb kuj cheem tsum cov ua niam ua txiv ntseeg Vajtswv, cov neeg ua txiv zoo li Kalej. Hnub uas nco txog txiv hnub hauv hli 6 txhua xyoo, kuj yog lub sijhawm zoo los hais txog txiv tus cwjpwm zoo tau sau txog. Cia siab tias nyob hauv Vajtswv Pawg Ntseeg yuav tsim muaj leej txiv zoo li tus qauv nyob hauv Vajluskub, kom dhau los ua cov neeg coj kev ntawm sab ntsujplig rau tsev neeg thiab tej menyuam… (Efexaus 6:4). Tej zaum muaj ntau tus hauv peb tsis muaj ib leej txiv zoo li Kalej, tiamsis peb muaj cuab kav thov Vajtswv tias yus tus kheej, yuav dhau los ua ib leej txiv, ib leej niam, ib tug coj ntawm sab ntsujplig zoo li Vajtswv tej lus qhia, kom dhau ntawm peb, cov menyuam txuas ntxiv yuav muaj ntau tus neeg zoo li Akhexas, Authuniyees rau Vajtswv.

Rov qab los rau ntawm zaj xwm txog qhov uas kuv tus ntxhais yuav mus nrog tsev kawm ntawv ua si, kuv tus txiv twb nug meej meej cov kws qhia ntawv lawm. Lub sijhawm ua si tsis yog tsuas yog ib lub sijhawm so tomqab kawm ib xyoos ntawd xaus, tiamsis yog ib lub sijhawm rau tej menyua kawm Vajtswv tej lus, qhuas Vajtswv, tig rov qab mus saib txoj kev sib raug zoo ua ke nrog Vajtswv. Yog ib lub sijhawm muaj nqis rau ntawm sab nqaij tawv thiab sab ntsujplig tib si. Saib tus ntxhais ua tsaug tsis tu, tham txog txhua lub homphiaj rau txoj kev ua si los yuav txog… kuv ua twjywm ua Vajtswv tsaug vim cov menyuam lawv muaj ib leej txiv muaj kev hlub nrog tej menyuam ua ke hauv txhua txoj haujlwm.

Thov caw nrog kuv peb thov Vajtswv ua ke: Leej txiv muaj kev hlub. Thov pub kom kuv muaj lub siab txawj ntse zoo li Akhexas, paub nrhiav “tej qhov dej sab ntsujplig” pauv qhov uas khiav caum tej uas yuav ploj mus sai sai hauv ntiajteb. Thov kom kuv tsev neeg dhau los ua qhov chaw uas txoj kev ntseeg tau khaws tseg thiab tawg paj txi txiv rau Vajtswv lub tebchaws. Kuv thov hauv Tswv Yexus Khetos lub npe, Amees.

Cov kwv tij txhua tus. Pawg Ntseeg niaj hnub nim no cheem tsum cov uas ua txiv ntseeg Vajtswv nyob hauv tsev neeg kom dhau los ua ib tug thawj coj sab ntsujplig hauv tsev neeg, yog li lub nra uas Vajtswv tsim. Tej yam uas me me txhua hnub, txhua lo lus hais, txhua tes haujlwm ua, txhua lo lus thov Vajtswv, txhua txoj kev fij, nrog rau Vajtswv tej lus qhia cov menyuam… muaj ib hnub twg, tej ntawd yuav yog zaj kawm rau txoj kev ntseeg ciaj sia. Yuav tau ua lub neej zoo li cas kom tej menyuam tsis yog tsuas hnov txog Vajtswv dhau ntawm tej lo lus koj hais, tiamsis ntsia pom Vajtswv dhau ntawm koj lub neej. Yog tias koj yog ib tug hluas, cia li kawm li Akhexas: fij rau Vajtswv tej lus thov Vajtswv txawj ntse, tej “qhov dej ntws” sab ntsujplig ib txhis tawg paj txi txiv rau Vajtswv.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.