Puas tau muaj zaum twg koj kaw qhov rooj cia, zaum twj ywm hauv qhov tsaus ntuj thiab cim civ yws yus tus kheej vim qhov uas yus tau chim rau tej menyuam puas ta dhau los? Peb nkag los ua niam ua txiv nrog rau ntau txoj kev cia siab, tiamsis peb ho ntsib ib qhov tseeb tias yus kuj yog ib tug neeg muaj qhov tsis zoo. Peb pheej raug lub nra tsuam thaum uas yuav tau ua ib leej txiv ua qauv zoo, ib qhov chaw pheeb tsis muaj qhov caws pliav. Tiamsis qhov tseeb tiag yeej tsis muaj ib lub tsev kawm twg qhia rau peb ua txiv li. Yog tias koj kuj tab tom zoo li ntawd, ces hnub no, peb koom muab lub nra ntawd txo nqes rau ntawm Leej Txiv saum ntuj txhais taw, tus uas muaj hwjchim nplua mias los coj koj hauv txua kev phomsij no.

Hnub no, yog hnub 26/06/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Martha Noebel dhau ntawm Zaj kawm TEJ LEEJTXIV UA TSI TAU TXHUA YAM

Leej txiv hlub nws cov menyuam npaum li cas, tus Tswv hlub cov ua hwm nws npaum li ntawd” (Ntawv Nkauj 103:13)

“Lub ntuj nyob siab ntawm lub ntiajteb npaum li cas, tus Tswv hlub cov uas hwm nws heev npaum li ntuwd. Hnubtuaj deb hnubpoob npaum li cas, tus Tswv tshem peb tej kev txhaum mus povtseg deb npaum li ntawd. Leej txiv hlub nws cov menyuam npaum li cas, tus Tswv hlub cov ua hwm nws npaum li ntawd” (Ntawv Nkauj 103:11-13).

Txhua tus uas ua txiv nyob hauv ntiajteb no puav leej zoo li “ib lub tsev uas ua tsis tau tiav” – yeej tsis muaj leej twg zoo txaus, txawm yog ib tug los tsis muaj. Txawm yog kuv menyuam hlob thaum no twb muaj 33 xyoo lawm los, kuv yeej tseem hnov qhov no. kuv tau thov Vajtswv pub kom kuv tus ntxhais muaj lub siab ntev nplua mias, vim kuv yeej ib txwm muab kuv tus menyuam los… xyaum ua txiv. Kuv txoj kev cob qhia yog “sim thiab txhaum” (ces tej zaug kuv tus menyuam yuav hais tias “sim thiab txaus ntshai”!). Kuv yeej ib txwm nug: “puas yog yus coj nruj dhau?” lossis “Yus puas tau coj kom sib npaug zos ntawm txoj kev coj nruj thiab zoo siab lawm tau?”

Zoo kawg nkaus li, Vajtswv txhawm tej qhov khoob lug uas muaj tsis txaus hauv kuv. Vajtswv txoj kev hlub zoo li cov kua nplaum txuas txoj kev sib raug zoo hauv tsev neeg. Vim yog paub tias yus yog ib leej txiv hauv ntiajteb no ua tsis tau txhua yam, kuv yuav tau vam khom rau leej txiv saum ntuj ntau dua.
Tswv Yexus tau tham zaj xwm no:

“Muaj ib tug txivneej muaj ob tug tub. Tus tub yau hais rau leej txiv hais tias, ‘Txiv, thov koj muab koj lub cuabtam cov uas yog kuv feem faib rau kuv.’ Leej txiv muab nws lub cuabtam tej uas yog nws tug faib rau nws ob tug tub.” (Lukas 15:11-12).
Lub nra ntawm qhov uas yuav qhia ob tug menyuam nrog nkawd coj tus cwjpwm txawv tsis tau yog ib yam uas yooj yim li. Tas muaj ib hnub, leej txiv yuav tau sawv ntawm ib qhov xwm nyuaj daws: ntsib txoj kev taij tsis ua zoo xav ntawm tus tub yau. Yawg txiav txim faib cuab tam rau ob tug, txawm yog paub zoo tias cov menyuam lawv tseem npaj tsis tau txhij. Tomqab ntawd tus kwv muab tag nrho nws li tug coj mus siv tas, tshuav tus tijlaug ho poob rau txoj kev khav theeb, cim civ suav tias yus yog tus zoo. Xav tias qhov no yog ib qhov yuam kev thaum qhia menyuam, tiamsis tseeb tiag, Vajtswv siv tej teeb meem ntawd coj tus tub yau rov qab. Cov uas ua txiv ua tsis tau dabtsi, yuav tau kawm txoj kev ntseeg siab rau Vajtswv, vim Vajtswv muaj kev ua kom tiav Vajtswv lub homphiaj zoo.

“Tej tub yuav thuam leej txiv … Tiamsis kuv yuav ntsia ntsoov tus Tswv; kuv tos rawv Vajtswv, tus uas yuav los cawm kom kuv dim. Kuv tus Vajtswv yuav mloog kuv tej lus thov.” (Mikhas 7:6-7).

Koj puas hnov yus ris lub nra nyhav dhau thaum ua txiv lawm tau? Qhov uas hlub thiab coj cov menyuam txhua hnub yuav siv sijhawm ntau dua li peb xav. Muaj ib yam uas tab pov: peb yuav ua tsis tiav lub nra no yog peb tsis kawm ntawm tus uas ua txiv zoo tshaj. Yog peb cim civ mus, tej zaum koj yuav txawj dua qho tus; tiamsis thaum muaj cov kwv tij koom kev ntseeg lawv koom tes ua ke, peb yuav dhau los ua tau leej txiv zoo tshaj. Txhob txaj muag yaum qho tus ua txiv nrog koj mus haus café ua ke, koom nthuav Vajluskub los thiab sib tham txog tej kev cob qhia cov menyuam. Yuav tsum yog tus xub pib nthuav tawm tej kev txhawj hauv yus lub siab. Vim, cov uas ua txiv tsis tau zoo kawg nkaus yuav yog cov kws qhia ntawv zoo tshaj.

Ua ntej, cov uas ua txiv hauv ntiajteb no lawv muaj qhov yuam kev zoo li peb yuav tau vam khom rau Leej Txiv saum ntuj. Nws saib taus peb lub zog, kom ua tiav tej yam zoo raws li Vajtswv lub siab nyiam. Nws yuav siv tej uas peb ua yuam kev los qhia kom peb paub txo hwjchim, thiab peb tej kev qaug zog los nthuav tawm Vajtswv lub hwjchim muaj yeej.

Txoj kev uas peb ua tsis tau tsis yog yam uas peb txais yuav nres cia. Ua ib leej niam leej txiv yog ib txoj kev kawm tsis tseg: kawm txoj kev thov txim tej menyuam, kawm nrog cov menyuam thov Vajtswv thiab kawm ua si nrog tej menyuam. Thaum peb ncaj ncees kam tiv tej kev txhawj thiab sib txeeb hauv lub hlwb, peb tab tom qhib ib qhov chaw sib txuas kev hlub hauv tsev neeg. Ib leej txiv nws yuav ua tsis tiav thaum uas nws tso tseg, tiamsis yuav ua tiav thaum uas nws ua siab ntev nrog tej menyuam mus ua ke thiab tso siab rau ntawm Yexus Khetos. Lub nra ua txiv tsis tseg rau cov ntsujplig uas qaug zog, tiamsis tseg rau cov neeg uas muaj kev ntseeg, kam vam khom Vajtswv xhua hnub.

Leej txiv hlub nws cov menyuam npaum li cas, tus Tswv hlub cov ua hwm nws npaum li ntawd” (Ntawv Nkauj 103:13).

Thov caw nrog kuv peb thov Vajtswv ua ke: Tus Tswv uas yog Leej Txiv muaj kev hlub, kuv ua Koj tsaug vim tau hu koj ua txiv, thiab tau koj ntseeg muab lub nra tau ua txiv nyob hauv ntiajteb no. thov tuav kuv ruaj ruaj nyob hauv koj txoj kev hlub zoo kawg nkaus txhua hnub. Thov hliv kom puv npo kev ua siab ntev thiab paub txo hwjchim rau tej uas ua tsis yog, thiab pub kom kuv muaj kev txawj ntse coj tsev neeg raws li Vajtswv txoj kev. Thov qhia rau kuv paub txoj kev qhia tej yam uas zoo kawg nkaus tej yam muaj nqis ntawm sab ntsujplig rau tej menyuam tsis yog los ntawm ntaub ntawv tiamsis los ntawm lub neej hloov dua tshiab. thov qhia rau kuv paub ua siab ntev thiab yog tus choj tuam coj nej mus nyob ze Vajtswv dua. Txawm yog kuv yeej tseem tshuav ntau yam ua tsis tiav, thov Vajtswv cob qhia kuv, kom dhau ntawm kuv lub neej, kuv tej menyuam yuav ntsia pom Vajtswv txoj kev hlub tsis muaj nrim. Kuv thov hauv Tswv Yexus Khetos lub npe, Amees.

Cov kwv tij txhua tus, menyuam tsis cheem tsum ib tug txiv “paub txhua yam” tsis ua txhaum. Yam uas cov menyuam cheem tsum yog ib tug txiv paub lees nws qhov kev txhaum thaum yus yuam kev thiab paub txhos caug thov Vajtswv thaum yus ua tsis tau. Txhob tag kev cia siab thaum koj hnov yus zoo tsis tau txaus, vim peb muaj ib leej txiv saum ntuj txaus siab hlo txhawm rau tej uas peb tseem ua tsis tau tiav los ntawm txoj kev hlub mus ib txhis. Cia siab tias tej ntsiab lus hnub no yuav ntxiv lub zog rau koj kom koj ua siab ntev nrog tej menyuam mus, hauv txoj kev sib raug zoo ua ke nrog Yexus Khetos. Thov kom koj nrog tsev neeg yuav muaj ib hnub puv npo kev kaj siab, thiab saj tau Leej Txiv saum ntuj txhais ttes ttab tom puag rawv koj lub neej.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.