Luag tej sij pheej hais tias “lub tsev yog lub chaw rov los”. Tabsis yog muaj ib hnub twg lub tsev ntawd cia li khoob lug thiab tej phab ntsa uas ntsia tsis pom tau muab cov neeg hauv lub tsev neeg faib thiab kem deb zuj zus lawm, ces peb yuav nrhiav qhov chaw nkaum nyob qhov twg? Tseeb tiag, yeej tsis tau muaj dua lub sijhawm twg dua ua rau lub tsev neeg ntsib ntau yam kev sim siab thiab tawg puas tshuaj yooj yim li niaj hnub nim no. Thaum uas lub tsev neeg tsis muaj txoj kev sib haum xeeb lawm ces tej kev cuam tshuam tsis zoo yuav nthuav dav zuj zus tuaj thiab mus rau lub zej lub zos thiab lub teb lub chaw thiab. Lub tsev neeg yog lub hauv paus lub chaw uas cob qhia tau tawm tus yam ntxwv, txoj kev xav thiab lub zaim muag saib ntawm tib neeg saib mus rau lub ntiaj teb. Yog tias lub hauv paus tsis zoo, ces peb sab ntsuj plig kuj tsis muaj ib qhov chaw thaj yeeb los mus nkaum.

Hnub no, yog hnub 28/06/2026, kuj yog Hnub Tsev Neeg Nyab Laj, peb Kev Thov Vaj Tswv Txhua Hnub thov caw koj los mloog thiab kawm Vaj Tswv Txoj Lus ntawm Terry Meeuwsen muaj lub ntsiab LUB TSEV NEEG RUAJ KHOV MUS LI

“Tiamsis peb thov peb tus Vajtswv thiab tso neeg zov nruab hnub hmo ntuj, tawm tsam lawv tsis pub kom tuaj tau ti peb hlo li” (Nehemis 4:9)

“Thaum Xanpalas, Taunpias, cov Alav, cov Amoos thiab cov Asedaus hnov hais tias peb tabtom puab tus ntsa yeej uas thaiv lub nroog Yeluxalees tiav zuj zus, thiab tej qhov tawg pleb ntawm tus ntsa yeej los peb twb muab txhaws yuav tas, mas ua rau lawv chim kawg nkaus rau peb. Yog li ntawd, lawv thiaj tuavhauv sib sau tuaj ntaus lub nroog Yeluxalees thiab ua kom muaj kev kub ntxhov, tiamsis peb thov peb tus Vajtswv thiab tso neeg zov nruab hnub hmo ntuj, tawm tsam lawv tsis pub kom tuaj tau ti peb hlo li.” (Nehemis 4:7-9).

Nyob rau hauv Phau Vajlugkub Qub ces Nehemis lub neej yog qhov uas txhawb tau kuv zog tshaj plaws thiab lub sijhawm uas los mus txhim tsa tej ntsa yeej ncig lub nroog Yeluxalees. Nehemis yog ib tug neeg uas muaj lub neej thov Vaj Tswv tob heev li. Nws yeej tsis txiav txim siab ua ib yam dab tsi raws li nws tus kheej lub tswv yim ua ntej mus txhos caug thiab hais nrog Vajtswv. Thov Vajtswv tsis yog kom nrhiav tau txoj hau kev los mus hloov Vajtswv lub siab raws li nws lub siab, tiam sis yog txo hwjchim los mus koom nrog rau Vaj Tswv Tus Dawb Huv lub siab nyiam. Los ntawm txhua tub tib neeg lossis txhua lub tsev neeg, peb yuav tsum nrhiav hom phiaj thiab txoj kev coj los ntawm Vajtswv ua ntej nqis tes ua ib yam dab tsi. Los ntawm txoj kev sib raug zoo nrog Vaj Tswv ntawd, Nws yuav tswj txhua yam thiab coj – qhia txhua kauj ruam uas peb yuav mus.

Txhua hmo, ua ntej cov menyuam yuav mus pw, kuv puav leej nrog menyuam txhos caug thov Vajtswv, thov Vaj Tswv tso ib lub hom phiaj tseeb meej txog nuj nqis ntawm lub neej sab ntsuj plig hauv Tus Tswv Koj txoj kev hlub. Kuv tej lus thov tseem ceeb tshaj plaws yog kom kuv cov me nyuam tus kheej thiab lawv tus nqi ntawm lub neej tsis raug txiav txim los ntawm lawv lub keeb kwm yug los, thiab tsis vam khom rau niam txiv thiab txiv, tiam sis kom lawv tau muab cais tawm thiab tsim los ntawm lawv txoj kev sib raug zoo nrog Yexus Khetos thiab lawv lub meej mom ua Vajtswv cov me nyuam. Tiam hluas niaj hnub nim no tab tom ntsib teeb meem loj txog lawv tus kheej. Tsuas yog thaum lawv muaj lub neej ruaj khov hauv Tus Tswv Yexus Khetos txoj kev hlub, ces peb tej menyuam thiaj li yuav nrhiav tau tus nqi tseeb, ruaj khov mus thaum hla tej cua daj cua dub hauv lub neej.

Kev sib koom siab yog lub hauv paus tseem ceeb ntawm ib tsev neeg, txawm yog lub tsev neeg me me lossis yog lub tsev neeg ntseeg loj ntawm Vajtswv. Peb yuav tsum sib txuas ua ke zoo li ib pab pawg, txhua tus puav leej nqis tes muaj feem thiab muaj ib lub chaw uas tsis muaj leej twg hloov tau. Nehemis twb nkag siab zoo heev txog tus cai no thaum uas nws saib mus rau tej ntsa yeej Yeluxalees uas twb tau puas tshuaj tas hla pua xyoo. Ntawd yog ib tes haujlwm uas loj thiab nyuaj heev txog qhov uas ua ntej ntawd tsis muaj leej twg kam xav thiab nqis tes los txhim tsa dua. Tabsis Nehemis to taub tias, yog xav txhim tsa kom tau tej ntsa yeej ntawd yuav tsum mus txoj kev sib koom tes kom siab thiab txoj kev pab los ntawm tag nrho cov pejxeem.

Tseeb tiag, lub cev ntawm Tus Tswv Yexus Khetos tsuas muaj zog thaum txhua tus ua yog nws tes haujlwm. Kom lub tsev thiab Pawg Ntseeg muaj txoj kev sib raug zoo haum xeeb thiab txi txiv ces txhua tus neeg hauv lub tsev thiab Pawg Ntseeg yuav tsum ris nyias lub luag haujlwm uas tau muab tso rau yus lawm.

Ua ntej thawj lub pob zeb tau tso nqis ces cov yeeb ncuab twb muaj lub thuam saib tsis taus, hem kom cov pejxeem tsis muaj lub siab tawv ua. Tabsis tes haujlwm tseem niaj hnub pib ua mus ntxiv. Ib qho zuj zus, ib lub pob zeb tib lub pob zeb mus, lub tsev neeg koom siab nrog ib lub tsev neeg, phab ntsa yeej ruaj khov cia li pib siab zuj zus mus.

Txhua lub tsev neeg yuav ris lub luag hauj lwm txhim tsa ntu ntsa yeej sab nraud lawv lub tsev. Thaum uas phab ntsa yeej yeem siab zuj zus ces txoj kev chim siab ntawm tej yeeb ncuab kuj loj ntxiv zuj zus. Lawv ntaus tswv yim thiab coj tub rog tuaj zov ncig thiab tawm tsam lub nroog. Nyob rau lub sijhawm muaj kev phomsij ntawd, cov pejxeem muaj kev ntshai nrog rau kev qaug zog tom qab uas ua haujlwm nyhav ib hnub tsis tau so. Nyob rau qhov xwm txheej nyuaj siab thiab phomsij ntawd, Nehemis yuav ua dab tsi?

“Tiamsis peb thov peb tus Vajtswv thiab tso neeg zov nruab hnub hmo ntuj, tawmtsam lawv tsis pub kom tuaj tau ti peb hlo li” (Nehemis 4:9).

Ua ntej tshaj plaws yog Nehemis thov Vaj Tswv. tom qab ntawd nws pib ua haujlwm. Vaj Tswv haiv neeg tau npaj muaj lub zaim muag los tiv thaiv lawv tus kheej: Ib nrab ntawm cov neeg yiaj meem ua haujlwm txhim tsa, tshuab ib nrab khaws tuav ntaj thiab sawv zov tom qab cov uas txhim ntsa yeej. Lawv ua haujlwm txij thaum kaj ntug mus txog thaum hnub qub ci lam lug, tej ntaj cuab yeej sib ntaus yeej tsis nrug lawv li. Yog ib tug thawj coj ntawm sab ntsuj plig hauv lub tsev neeg, peb kawm tau ib zaj kawm uas tob thiab zoo tshaj plaws los ntawm Nehemi lub neej: kev thov Vaj Tswv thiab kev ua haujlwm yuav tsum mus ua ke hauv txoj kev ntseeg ciaj sia. Thov Vajtswv tabsis tsis ua haujlwm yog ib txoj kev ntseeg tsis muaj tseeb, tabsis ua haujlwm ho tsis thov Vaj Tswv dhau mus ua txoj kev khav theeb ntawm sab cev nqaij daim tawv.

Ib yam li cov tsev neeg Yudais thaum ub uas ris lub luag haujlwm txhim kho ntu ntsa yeej ua nyob ze ntawm nyias lub tsev. Niaj hnub nim no peb los yuav tsum muaj lub luag haujlwm txhim kho ib tug qauv dawb huv, ib phab ntsa yeej ntsa yeej ntawm sab ntsuj plig ruaj khov kho hauv peb lub tsev neeg. Muaj ntau txo haukev uas peb los sib koom tes ua tes hauj lwm loj no los ntawm: kev tuav lub sijhawm pehawm Vaj Tswv ntawm lub tsev neeg, thov Vajtswv sib pab, ib leeg tsa tes thov Vaj Tswv foom koob hmoov rau ib leeg thiab nquag qhia txog Vaj Tswv tej koob hmoov nrog rau Nws txoj kev ncaj ncees uas peb tau paub hauv peb lub neej.

Thov caw nrog kuv peb thov Vajtswv ua ke: Vaj Tswv uas yog peb Leej Txiv, peb ua Koj tsaug uas Koj tau lees txais yuav peb los rau hauv koj lub tsev neeg sab ntsuj plig. Thov Vajtswv Koj pub txoj kev txawj ntse ntawm Koj rau nyuam yaus thaum uas nyuam yaus los mus txhim tsa thiab saib xyuas nyuam yaus lub tsev neeg kom ruaj khov kho rau ntawm Vaj Tswv Koj. Tej lub sijhawm uas nyuam yaus qaug zog lossis nto rau ntawm tej kev txhawj kev ntshai, thov Vaj Tswv Koj ceeb toom rau nyuam yaus sab ntsuj plig tias Vaj Tswv Koj yog Tus Tswv uas muaj hwjchim ua tau txhua yam uas xav hais tias yuav ua tsis tau. Thov Vajtswv Koj hu thiab txhawb nyuam yaus kom nyuam yaus yuav paub nkag mus rau txoj kev thov Vaj Tswv Koj thiab ua raws li nyuam yaus txoj kev ntseeg. Thov Vaj Tswv Koj coj peb los sib koom siab ua ib lub tsev neeg nyob mus ib txhis hauv Tus Tswv Yexus Khetos lub npe. Nyuam yaus koom siab hauv Tus Tswv Yexus Khetos lub npe, Amees!.

Tus phooj ywg uas hlub thiab tshua, phab ntsa yeej los mus tiv thaiv koj lub tsev neeg yeej yuav ua tsis tiav rau ib hnub thiab kuj yuav ua tsis tiav los ntawm ib tug lub dag lub zog. Tabsis yuav tsum pib zuj zus los ntawm tej kev sib nug txoj kev noj qab nyob zoo, tej tses haujlwm uas qhia tawm tias koj hlub tshua txog lawv, txog rau lub tsev neeg pehawm Vaj Tswv txhua hmo… Vaj Tswv yuav siv cov pob zeb uas tawg tas los mus sib dhos ua ke txhim tsa ib phab ntsa yeej ruaj khov rau koj thiab lub tsev neeg. Koj puas tau npaj txhij los nrog koj tus niam tus txiv thiab nrog rau tej menyuam los mus thov Vaj Tswv, fij lub tsev neeg rau Vaj Tswv ua Tus tswj thiab kav, pib txhim tsa koj “ntu ntsa yeej”uas Vaj Tswv twb muab rau koj lawm? Cia siab hais tias Hnub Tsev Neeg xyoo no yuav dhau los mus ua ib lub cim muaj nuj nqis, thaum uas lub tsev neeg los mus sib tuav tes nrog rau txoj kev sib koom siab los mus txhim kho phab ntsa yeej ntawm lub tsev neeg, txhim tsa ib lub tsev neeg muaj kev sov siab ruaj khov kho mus li hauv Leej Txiv Tus muaj hwchim txhais tes.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.