Peb txhua tus nyias yeej muaj nyias ib ob tug neeg twg ntawd ua rau peb nco nyob hauv peb txoj kev loj hlob. Yam zoo ntawm no yog tej qauv uas lawv tseg cia nws tsis yog nres ntawd xwb, tiamsis tej yam zoo uas lawv tseb rau hauv peb lub neej tseem tau qhia rau lwm tus. Zoo li lub kauj kiv saum lub pas dej thaum muab ib lub qe zeb pov rau hauv, ib lo lus txhawb zog, ib txoj kev cob qhia, ib lub neej ua qauv… puav leej tsim muaj tej yam uas nws nyob deb tshaj tej uas peb ntsia pom.

Hnub no, yog hnub 01/07/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke dhau ntawm Zaj kawm TAU COB QHIA KOM MUS COB QHIA

“Nej xyaum ua raws li kuv tus yam ntxwv, ib yam li kuv xyaum ua raws li Yexus Khetos tus yam ntxwv” (1 Kauleethaus 11:1).

“Tom qab ntawd Paulus txawm tawm hauv lub nroog Athees mus rau tim lub nroog Kauleethaus. Thaum nws nyob hauv lub nroog ntawd, nws ntsib ib tug neeg Yudais hu ua Akilas uas yug hauv tebchaws Pootus. Akilas tus pojniam hu ua Paxilas. Nkawd nyuam qhuav tuaj tim tebchaws Italis tuaj, rau qhov Vajntxwv Kalaudi-us ntiab cov Yudais txhua tus kom khiav tawm hauv lub nroog Loos mus. Paulus txawm mus saib Akilas nkawd; Paulus nrog nkawd nyob thiab nrog nkawd ua haujlwm ua ke. Paulus xaws tsev ntaub ib yam li Akilas nkawd”

Nws saib kuv, ntsej muag liab tas, tas kuv cev tes mus khawb khawb tau hau, “kuv xav nrog cov hlob kawm Vajluskub ua ke.”

Ntawd yog thawj zaug wb ib viv ncaus sib ntsib. Tej kev txaj muag thaum thawj pib ploj zuj zus dhau ntawm tej kev pehawm, kev sib ntsib nyob rau hauv lub ntuj sov so thiab tag nrho tej hnub txias zias uas muaj daus voob tas, peb cov nus muag zaum ua ke ntawm maub zaub noj sov so. Zaj xwm hais txog Khoa lub neej pib tau qhib zuj zus. Hais tsis meej vim nws cov lus pib hnov qab zuj zus, Khoa pib txais yuav tej lo lus uas kuv ua tib zoo siv thaum koom nrog kuv kawm Vajtswv tej lus ua ke.

Khoa muaj kev sib raug zoo tob tob heev nrog Tswv Yexus dhau ntawm nws tus pojniam yog neeg Phi-líp-pin, muaj lub siab tawv hlub Vajtswv thiab ntseeg Nws, tiamsis lub neej tsis zoo li siab xav, yav dhau los Khoa raug ntes mus kaw tas tawm los kuaj yav dhau los ua rau kuv tsev neeg ua xyem xyav, thiab tsis xav mloog Khoa tej lus ua tim khawv tiag tiag.

Tawm mus nyob rau Bắc Mỹ thaum muaj kaum peb xyoos, Khoa zoo li ib tug noog dim hauv nkuaj mus, zoo li yus tau ywj pheej ya mus rau ntawm ib lub ntuj dav heev, tiamsis tsis paub tias yus tab tom poob rau ntiajteb lub ntxiab cuab uas tsaus ntuj nti, puv npo lub hwjchim nrhuav tshem tib neeg lub neej. Tebchaws Việt tej kev coj noj coj ua thiab tej kablig kev cai hauv tsev neeg cia li dhau los ua npuas dej, Khoa mus koom cov neeg phem, hnov qab nws cov lus, kaw hais cov lus tshiab thiab swm txoj kev ua neej tsau tsawv rau hauv kev txhaum.

Tsis tag kev cia siab, Khoa hais tias, “kuv xav hnov koj txhais Vajtswv tej lus, vim kuv xav ua tim khawv thiab txhais Vajtswv meej meej rau kuv txiv, thiab cov niam ntxawm txiv ntxawm nyob hauv tsev neeg. Kuv paub lus nyob laj tsis tas kuv thiaj yuav tau kawm.

Tig rov qab mus saib lub sijhawm ncaj ncees nrog pawg kawm Vajluskub, ua siab ntev rau cov nus uas muaj kev tu siab, kuv tau txhawb zog los ntawm zaj xwm hauv Paxilias thiab Akilas nkawd lub neej. Thaum uas hnov Khoa hais lus, kuv lub qhov muag kua muag ntws si, nyo hau ntxis rau ntawm Vajtswv txoj kev hlub thov Vajtswv ua tus coj. Thiab Vajtswv coj kuv tig rov qab los rau lub sijhawm, rov qab mus rau ntawm lub tsev uas hnov suab txaug, suab koob uas cov kws xaws tsev ntaub thiab puv npo tej zaj xwm hais txog Tswv Yexus nyob rau hauv lub nroog Kauleethaus.

Pog Akilas yog Paxilias tus txiv, nkawd ob leeg puav leej yog neeg Yudais, nkawd lub zos nyob rau hauv Pootus, nyuam qhuav tuaj ntawm Italias tuaj rau hauv Kauleethaus “rau qhov Vajntxwv Kalaudi-us ntiab cov Yudais txhua tus kom khiav tawm hauv lub nroog Loos mus. Paulus txawm mus saib Akilas nkawd” (Tes Haujlwm 18:2).

Kuv xav txog qhov uas Paulus tuav rawv koob xaws tsev ntaub nrog nws ntiv tes, tab tom kub siab lug ua tim khawv qhia rau Akilas thiab Paxilias nkawd tej kev npau suav thiab Wiersbe zeem muag uas Vaj Ntsujplig tau nthuav tawm, tas ua tib zoo txhais lub ntsiab lus meej meej. Nyob ntawm tej hnub ua neej nyob ua ke hauv ib lub tsev, siv zog ua haujlwm tu tus kheej txog rau thaum hla dej hiav txwv, mus qhia Txojmoo Zoo txog Vajtswv txoj kev cawmdim, Paxilas thiab Akilas pib xyaum ua li Paulus, ib yam li Paulus tau xyaum raws li Tswv Yexus.

“Nej xyaum ua raws li kuv tus yam ntxwv, ib yam li kuv xyaum ua raws li Yexus Khetos tus yam ntxwv” (1 Kauleethaus 11:1).

Tes Haujlwm 18:18 coj peb mus rau hauv ib txua kev ua neej zoo li Paulus. Yawg tau nrog Akilas thiab Paxilias nkawd mus rau saum nkoj mus rau Xilias, tas mus rau hauv lub nroog Efexaus.

Thaum uas Paulus “mus hauv tsev nrog cov neeg Yudais sib tham.” Paxilias thiab Akilas nkawd ntsia pom ib tug neeg yog Apaulaus, nyob hauv Alexsandria tuaj txog hauv Efexaus, “Nws kawm tus Tswv txoj Kevcai. Nws kub siab lug qhia txog Yexus zaj, tej uas nws qhia ntawd puavleej muaj tseeb. Tiamsis nws tsuas paub txoj kevcai raus dej uas Yauhas qhia xwb. Apaulaus mus qhia hauv lub tsev sablaj tsis ntshai leejtwg li. Thaum Paxilas thiab Akilas hnov nws qhia, nkawd txawm coj nws mus rau tom nkawd tsev, thiab nkawd qhia Vajtswv zaj rau Apaulaus paub tseeb dua yav tas los” (Tes Haujlwm 18:25-26).

Qhov uas Apaulaus txawj yog txawj hais lus thiab muaj kev totaub Vajluskub tau Akilas thiab Paxilias cob qhia: “Thaum cov ntseeg uas nyob hauv lub nroog Efexus paub hais tias Apaulaus yuav hla mus rau tim tebchaws Kilis, lawv sau ib tsab ntawv xa mus rau cov ntseeg uas nyob tid kom lawv hlub Apaulaus. Thaum Apaulaus mus txog tid, nws pab lawv kawg li; lawv los ntseeg rau qhov Vajtswv foom koob hmoov rau lawv. Nws cav yeej cov Yudais tabmeeg sawvdaws, rau qhov nws tej Ius tseemceeb, thiab nws muab Vajtswv Txojlus qhia rau lawv paub hais tias Yexus yog tus Mexiyas” (Tes Haujlwm 18:27-28).

Nyob hauv txhua zaus kawm Vajluskub, Khoa majmam kawm tau txoj kev nthuav tawm hauv siab tuaj los ntawm nws cov lus. Khoa tseem hais tsis tau zoo tiamsis kuj muaj feem uas txaus siab “kuv pojniam yog ib tug tub rog thov Vajtswv txawj heev muam”. Nyo hau mus noj nws tais mov kub lug, kuv tais ib daim zaub ntsuab,muab coj mus ntsw tos rawv lub suab luag tawm, tas maj mam teb Khoa cov lus: “Muam kuv hnov tau koob hmoov heev, thaum uas kuv tus pojniam yog ib tug tub rog thov Vajtswv.”

Nyuam qhuav cev khob dej txias zias rau kuv, Khoa saib kuv luag ntxhi “As, yog lawm os muam, los ntawm kuv pojniam pab kuv ntau heev, kuv thiaj muaj hnub no. kuv pojniam muab kuv lub npe sau puv nkaus txhua qhov hauv chav pw, thiab thov Vajtswv tshab hmo, hu kuv lub npe tsis tseg. Nws yog ib tug tub rog thov Vajtswv tiag tiag li.” Hais txog lo lus uas nws nyuam qhuav kawm tau, Khoa zoo siab heev luag ntxhi los ntawm lub ntsej muag kaj nrig.

Yog li tej lus uas yav dhau los tsis nco, dhau los nco tau, thiab nrog kuv xyaum ntau rau txhua hnub. Khoa muaj lub siab tawv ntsib ntau tus neeg nyob laj, cov uas yav dhau los tau ua quav yeeb lossis thaum no tab tom raug li ntawd, nws muaj nplooj siab hlub, xav pab thiab ua tim khawv txog Vajtswv lub hwjchim tau hloov pauv.

Tomqab lub koob tsheej Tswv Yexus yug dhau los, Khoa zoo siab heev tham rau peb mloog thaum muaj sijhawm ua tim khawv, tham txog Vajtswv lub hwjchim saum nws lub neej thaum uas lawv tsev neeg sib ntsib.

Zaum twj ywm ntawm lub rooj, kuv lub siab puv npo txoj kev paub Vajtswv txiaj ntsig, saib Khoa zoo siab xyab tes: “Kuv hnov kuv cov yau hais lus nyob laj zoo luag heev muaj.” Peb sawv daws zoo siab luag nrov nrov, qhuas Vajtswv lub npe. Lub suab nkauj ua rau muaj kev zoo siab ntawm kuv thiab ntawm Khoa, thiab kuv ntseeg tias Vajtswv kuj tab tom zoo siab li ntawd vim muaj ib lub neej tau hloov pauv zoo li Khoa.

Thov caw nrog kuv peb thov Vajtswv ua ke: Vajtswv, tus Tsim ib puas tsav yam! Ua Vajtswv tsaug tau pub rau peb paub siv lub hlwb thiab lo lus hais los qhuas Vajtswv lub npe. Thov Leej Txiv qhia thiab cob peb. Kom peb tau kawm ua ke, siv lub ncauj thiab lub hlwb los qhia txoj kev cawmdim thiab Vajtswv txoj kev hlub pub rau coob tug. Kuv thov hauv Tswv Yexus Khetos lub npe, Amees.

Cov kwv tij txhua tus, txawm yog koj tab tom ua neej nyob rau lub sijhawm zoo li cas los, thov kom nyob ze Pawg Ntseeg thiab cov neeg uas hwm Vajtswv. Npaj txhij los kawm, rau yus tus kheej thiab pab kom lwm tus paub Vajluskub thiab lub peev xwm paub qhia. Ncaj ncees ua lub neej raws li tej ntawd thaum kawm Vajluskub ua ke, thiab nyob rau hauv tej thaj chaw uas tsis muaj neeg paub txog yog lub zog rau koj mus nrog Tswv Yexus cov lus samhwm tseg. Ib lub neeg tau hloov dua tshiab, yuav tau cob qhia dua lwm tus.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.