Vajluskub hu peb tias peb yog cov tub rog ntawm tus ntoo khaublig mus raws li Yexus Khetos tus chij. Tiamsis nyob hauv ntsus kev tsov rog sab ntsujplig ntawd, muaj tej hnub peb pom cuag li yus ua tsis tau dabtsi nyob rau ntawm yeebncuab tej yeej khov kho. Sab phab ntsa thaiv khov kho ntawm tej kab mob kev nkeeg, muaj nyiaj tsis txaus lossis kev pob puas ntawm tej txheeb ze tab tom twv ntxhias peb lub siab tawv. Tib neeg tus cwjpwm hais kom peb yuav tau thau tes lossis thooj yim rau. Tiamsis kev ntseeg tias nws tsis tsa tes swb lub caijnyoog, tiamsis mloog lus, thov Vajtswv thiab qhuas Vajtswv – txawm yog thaum uas yeej tseem ntsia tsis tau pom sab phab ntsa ntawd vau.

Hnub no, yog hnub 03/07/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Cathy Irvin dhau ntawm Zaj kawm KEV NTSEEG TSIS NYOB TWJYWM

 “Txojkev ntseeg los kuj ib yam li ntawd. Yog nej hais tias nej ntseeg, tiamsis nej tsis ua ib yam haujlwm tshwm, ces nej txojkev ntseeg twb tuag lawm” (Yakaunpaus 2:17)

“Vim cov Yixalayees mus ze lub nroog Yelikaus, cov neeg hauv lub nroog thiaj kaw tej roojvag, tsis pub leejtwg tawm lossis mus tau rau hauv lub nroog li. Tus Tswv hais rau Yausuas hais tias, “Kuv yuav muab lub nroog Yelikaus, tus vajntxwv uas kav lub nroog, thiab tej tubrog uas siab tawv cob rau koj tes. Koj thiab koj cov tubrog cia li ncig lub nroog no rau hnub, ib hnub ncig ib lwm. Koj kom xya tus povthawj, ib leeg nqa ib lub xyu mus ua cov povthawj uas kwv lub Phijxab ntej. Hnub xya koj thiab koj cov tubrog mus ncig lub nroog xya lwm, thiab kom cov povthawj tshuab raj tshuab xyu mus ua ntej, thiab koj hais kom lawv tshuab raj tshuab xyu ib zaj ua lub suab nrov ntev loo. Thaum nej hnov lub suab xyu ntawd, nej sawvdaws cia li qw nrov nrov, ces tej ntsa yeej yuav pob zuav pes zog, thaum ntawd nej sawvdaws cia li mus kiag rau hauv lub nroog.” (Yausuas 6:1-5).

Niaj hnub no peb hnov hais ntau txog kev ntseeg. Tiamsis tsis paub peb puas nkag siab qhov tob ntawm lub ntsiab lus saib cuag li yooj yim ntawd?

Rov qab saib zaj xwm lub nroog Yelikaus pob nyob hauv Yausuas 6. Cov pejxeem mloog lus mus ncig lub nroog, tshuab raj thiab tsa suab qw nrov nrov. Sim xam saib yam dabtsi yuav tshwmsim tuaj tom qab ntawd? Tej phab ntsa khov kho, siab ntshuas ntawd tib pliag xwb cia li pob puas tas. Lub hwjchim no nws tshwm los ntawm ib txoj kev ntseeg zoo – ib txoj kev ntseeg pheeb ruaj ruaj rau ntawm Vajtswv tej lus cog tseg thiab tau ua pov thawj dhau ntawm txoj kev mloog lus, nws ua ntau tshaj tej txojcai ib txwm thiab tej uas av ib txwm qeeg. Txawm yog nyob rau lub sijhawm txiav txim ntawd los, lawv tau koom siab tsa suab qw nrov doog daws lub ntiajteb thiab lub ntuj.

Kev ntseeg tsis zaum twj ywm ib thaj chaw tos kom sab phab ntsa pob puas. Kev ntseeg tsa suab qw txoj kev muaj yeej kom tsoo sab phab ntsa ntawd vau.

Twb yog nyob rau tej lub sijhawm peb hnov qaug zog tshaj, thaum kev sim siab thiab lub sijhawm vij puas ncig khi peb lub hlwb ruaj ruaj mus txog qhov uas tsis muaj ib nyuag me ntsis zog los qhuas Vajtswv, ces ntawd yog lub sijhawm peb yuav tau tsa suab qhuas Vajtswv thiab hais txog txoj kev muaj yeej. Cov lus tawm tuaj qhuas Vajtswv nyob rau lub sijhawm tsis zoo ntawd yuav ua rau muaj qhov kev hloov pauv muaj zog, rhuav tshem tej kev qaug zog thiab sib txuas zaws ua ke nrog Vajtswv lub hwjchim. Peb yuav tau pheeb kom ruaj rau ntawm Vajtswv tej lus, tuav Tswv Yexus lub npe hais txog Vajtswv lub hwjchim rau ntawm tej phab ntsa, tej hauv roob tab tom tav peb lub neej saib lawv txoj kev pob puas. Lo lus hais thiab lub suab qw ntawd hais txog qhov haujlwm yuav tau nqes tes, yog txoj kev teb tshwm ntawm tej uas peb ntseeg tob tob hauv peb tus ntsujplig. Txij no mus, tus yaum sij sab ntsujplig thiaj qhib lub qhov rooj txujci, ua rau txhua kem phab ntsa pob puas.

Vajtswv tau hais rau Yausuas tias, Vajtswv muab pub rau yawg txhais tes, thiab Nws kuj hais qhia lub sijhawm meej meej yuav txeeb tau lub nroog. Lo lus nug tau nug tias: Puas yog peb muab los tso tseg ntxov heev thaum uas tos ib lub sijhawm hloov pauv? Tseeb tiag, tos tsis yog ib ncua sijhawm tsis muaj nqis, tiamsis yog txua kev peb yuav tau xyaum peb lub siab kom yoog tau raws li Vajtswv lub sijhawm. Nco ntsoov ob lo lus “ruaj siab”. txawm yog thaum uas tab tom tos lossis thaum ntsia pom txoj kev cawmdim, peb yuav qhuas Vajtswv mus ntxiv vim Vajtswv txoj kev ncaj ncees. Vim Vajtswv lub sijhawm thaum twg twb yog zoo kawg nkaus.

Peb yog Yexus Khetos cov tub rog, mus raws li Nws txib. Thaum hnov Vaj Ntsujplig lub suab tshoov hauv ib lub sijhawm txomnyem, peb yuav tau tamsim tshuab raj ceeb toom. Vajtswv yuav tswj thiab tshoov peb tus ntsujplig, pub lub hwjchim ntawm txoj kev ntseeg rau peb kom peb paub txoj kev muaj yeej twb nyob kiag ntawm qhov muag. Yog li, cia siab tias peb txhua tus nyias yuav tuav ruaj ruaj nyias tej lus tim khawv txog kev ntseeg, txhob muaj ib zaum twg ua poob txoj kev cia siab.

“Kev ntseeg yog qhov uas peb paub tseeb hais tias peb yuav tau tej uas peb cia siab rau thiab yog qhov uas peb cia siab ntsoov rau tej uas peb qhovmuag tsis pom” (Henplais 11:1).

Kev ntseeg pab rau sab ntsujplig paub tej uas tej hlab ntshav ntawm sab nqaij tawv txais tsis tau.

Yakaunpaus 2:17 sau: “Txojkev ntseeg los kuj ib yam li ntawd. Yog nej hais tias nej ntseeg, tiamsis nej tsis ua ib yam haujlwm tshwm, ces nej txojkev ntseeg twb tuag lawm”

Yausuas daim phab ntsa thaum ub yog ib daim phab ntsa puab los. Tiamsis nyob hauv peb lub neej txhua hnub, daim phab ntsa ntawd tej zaug nws yuav tshwm los ntawm ib yam dabtsi twg: tej zaug nws yuav yog kab mob ntawm lub cev ntaj ntsug, yog lub nra nyhav txhawj xeeb txog nyiaj txiag, lossis ib txoj kev sib raug zoo pob puas yuav tau kho. Peb yuav tau siv kev ntseeg los ntsia kom tshab daim phab ntsa ntawd. Daim phab ntsa uas cuag li tsis muaj leej twg ua pob ntawd yuav vau thaum lub suab kev ntseeg qw nrov nrov – twb yog los ntawm peb txoj kev mloog lus. Ntseeg tias txoj kev muaj yeej yuav tos ntsoov koj tom ntej nyob sab nraum sab phab ntsa ntawd.

Thaum no, kuv kuj muaj sijhawm saj tau qhov no thaum muab kev ntseeg tso rau qhov uas nqes tes ua. Kuv tus ntxhais xeeb nyuam qhuav yug los xwb tim cia li kub ua npaws. Kuv tus kheej thaum ntawd kuj muaj mob, tiamsis nyob hauv lub siab, kuv hnov muaj ib qhov kev tshoov siab muajzog yog yuav tau mus thov Vajtswv rau tus ntxhais xeeb. Tau ob peb sij tomqab kuv los tsev, tus mob ua kub kub ntawd cia li txias zuj zus txog rau kaj ntug hnub qab nws zoo lawm. Ntawd yog lub sijhawm uas kuv pom tias kev ntseeg tseeb nws yeej tsis maj mam. Zoo li lub suab qw rhuav tshem lub nroog thaum ub, kuv mus raws li tej uas Vajtswv tej lus hais. Txawm yog nyob rau lub sijhawm ntawd los, kuv lub siab tej zaum yeej tseem tsis tau loj tiag tiag, tiamsis kuv paub tias yus yuav tau mloog lus thiab muab tej paj txiv thaum kawg cob rau Vajtswv txhais tes muaj hwjchim.

Yog li, yog tias nyob hauv koj lub neej tab tom muaj ib sab phab ntsa twg yuav tau ua kom pob puas, cia li pib los ntawm hais tawm thiab tsa suab qhuas Vajtswv txij no mus, vim kev ntseeg tseeb yuav tsis muaj ib zaum twg ua xyem xyav!

Thov caw nrog kuv peb thov Vajtswv ua ke: Vajtswv yog tus tswj thiab yog lub hauv paus ntawm kuv txoj kev ntseeg! Ntau zaug ntsib tej kev sim siab hauv lub neej, kuv lub siab yooj yim ntog rau tej kev txhawj ntshai thiab nyob tsis kam mus rau tom ntej. Thov Vajtswv zam txim rau kuv txoj kev ntseeg tsawg. Thov Vaj Ntsujplig tshoov kuv lub siab kom muaj dua lub hwjchim tshiab. Thov pub kom kuv muaj lub siab tawv qhuas Vajtswv nyob rau lub sijhawm muaj teeb meem, thiab mloog lus mus raws li Vajtswv ua tus coj. Kuv ntseeg thiab muab txhua yam tso rau hauv Vajtswv lub siab nyiam zoo kawg nkaus. Kuv thov hauv Tswv Yexus Khetos lub npe, Amees.

Cov kwv tij, kev ntseeg tseeb nws nyob siab tshaj tej ntaub ntawv sau, thiab nws yog ib txua kev ciaj sia raws li tej uas ntsib dhau thiab mloog Vajtswv lus dhau txhua hnub. Thaum ntsib tej lub yeej tawv, pauv qhov uas siv lub zog los txhawj, yuav tau tig lub siab mus rau tus uas tuav koj lub neej. Txawm yog lub sijhawm no los, yog muaj ib daim phab ntsa twg tab tom tav koj txoj kev sib raug zoo nrog Vajtswv, kav tsij muaj lub siab tawv sawv rau ntawm qhov chaw, mloog Vaj Ntsujplig lub suab thiab tshuab raj qhuas Vajtswv. Ntseeg rau Vajtswv lub hwjchim muaj yeej thiab Vajtswv yuav nchuav rau cov uas muaj lub siab paub mloog lus.
Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.