Bol he geh kơlôi sùm la bơta prap kớ nus srat bơtăng mơ ò kờn toh glai la ào lòs kớ cê nàng sền gar he. Mơya ngan la, gơ kung be ngai do tus di ngai ne ai is tê he di nàng siêk bluh di nus he di-cau kong ji sột rlau jơh la să tờm he. Gen lơh be lơi nàng he in jơh nus toh glai bulah he neh kong li bơta moat jrung? Mìng do bơta lơm là ntoat tus mơ Bơtau neh toh glai he in jowh tú do tus di tú neh, bơh să tờm nhàm sàng goh Kơnran di.

Ngai do, ngai 20/09/2026, Bơta Hòi Dan Kòp Ngai dăn jà ală ồng mò oh mi bơtê bal jơnau Yàng kơnòm dê Rich Miller bơh tơnggume: PHAN BÀN TỜM NUS NHỜM TOH GLAI

“Cau lơbơn niam bơh bơta niam tòm nùs mơ tơlik bơta niam, cau iơh bơsak bơh bơta iơh bơsak tòm nùs mơ tơlik bơta iơh bơsak, bơh jat bơta bềng lìu tòm nùs gen sồng bơr đơs tơlik.”(Luka 6:45)

Sèng Sră Goh Luka 6 do pơn jat jơnau bơto tơng kah Yang Jesu di bơh nus nđac sơngit gơwet mơ cau sò dră di he, bơta niam lơhơn, bơta ò cah rnha mơ geh nus toh glai cau ndai in (S27-44). Bơh jơnau bơto hớ, Yang neh ràng tơlik la ală broă lơh bơh dih geg tơlik bơh nus nhờm. Tú dô nă cau lot tus bơh nus toh glai, ală bơta niam lơhơn rơp gơlik gơs bơh nus nhờm bol khai di. Bol khai dợp geh nus chơ hợp la pơnah mơ cau găm at kớ bơta srat bơtăng ò rgơi geh gơs. Ngan la, ò gơs dô nă cau lơi kờn ơm rêp mơ cau iơh bơsak, bơh jơnau đơs woam pơrhiat mơ nus nhờm ò hon chờ bol khai di lơh cau ndai in bol glar. Kơp kờn ngan là oh mi ò kah kơlôi tus di cau lơi tơm tú do!

Oă nam bơh lài or, tú an găm duh broă tơm Hìu Jum Goh, gơs bar nă ur clau ne kờn tă tơlik an bơh mpôl duh broă. Tú hớ, an gơ lơh sơ êt sơ êl ngan mơ pal roh oă tú tơngai sồng toh glaij bol khai in. Kơp tú sền wơl, an kung kứ moat jrum. An git loh la Sră Goh ò bơkơu he hào gơjran. Mơya jơnau Yang di tơng kah git bơsong bơt hào gơjran hớ dô ba di pal nàng ò tis glai (Ê-Phê-sô 4:26). Bơta kwơ màng la ban pun prap nus nhờm he di tú gơs cau ndai lơh he in moat jrum.

Mơya, Tú he kứ prap sùm nus srat bơtăng gen pal tơm wơl là bơta bol glar. La kon sau Yang di, an pal wơng loh bơta hớ rlau jơh, bơh sa tờm an kung dợp git bơta iơh bơsak geh sơđăn “ ò toh glai” . Plai soh ngăn an ò lời jơnau bơto Bơtau Krist di đơs bơh nus toh lai geh ơm tơm nus an di, Bơta ò toh glai geh gơnoar phà tơrlah dờng ngan: gơ lơh he in sền pha is di cau ndai. Gơ lơh he in kơlôi sơ nơng là cau ndai găm tờm dră mơ he, gen tàng be hớ, ală bơta moat jrum sơ lơ sồt rlau tai.

Ưn ngai Yang oă ngan, să tờm yang neh gơs nus kong ơt nàng tề an lot găn tú tơngai hớ mơ ai pran an in nàng git toh glai cau ndai in. Yang pợ mat an di nàng an sền git la, bulah alặ jơnau bol khai đơs pha is mơ jơnau song, mơya ur klau hớ ò di kờn lơh be hớ. Bol khai ming don ală bơta bol khai kơlôi la di. Gen tú sền wơl, digơlan ai ală tềp sột hớ bal mơ ală bơta tis an di neh geh Yang roat mơ mham kơnran di, gen ală bơta moat jrum hớ gơlik gơs khơt khơr. Gơs ji nus sơl? Geh gơs ngăn. Mơya nus moat jrum hớ be dô nơm bras ơm tơm dô blang bras là ală bơta mơ Yang dong Klas Jesu neh àn hơ đăng chi pơng.

Oă nam lot găn, nisona tip wơl bol khai, an rgơi ột cọp să mơ tơm bơh bơr dô bă chơ hợp. Bơta lơh an in krơi is la an gơ lơh be húi jơh ală broă bơh tú lơi ò rgơi git- ò di ming la toh glai gợi, mơ tơm bồ tơngoh an di kung geh rào jơh dô bă wil tơl! Ngai rơp tus, nuf an di dơp git Yang găm đơs mơ an la:”Kon dơp git bơta An neh lơh sơl?kon ò rgơi tai nàng kah tus di bơta yau hớ? Tus di oă tú mơ kah wơl, mơya krơi is ngan, ală bơta neh lot găn ò moat jrum tai, ò tai gơs bơta srat bơtăng hala ji nus lơi găm wơl.

Să tờm Yang neh ai bơta nđac nàng an rgơi pợ nus geh nus nđac sơngit di bol khai, bơh să tòm Yang bìng nus ndac sơngit. Sền wơl ală tú tơngai lot găn, đợ dớ an gơ tup pự la đợ dớ Yang ngùi cau ndai nàng ràng tơlik nus kờn nđac mơ an! Yang Jesu là phan bàn kwơ màng rlau jơh tơm nus he di, mơ dunnia git bol he la cau bơtê Yang di bơh bơta he git kờn gơboh di cau ndai. Be jơnau Sră Goh neh bơto: Luka 7: tồi glài khai gơs oă kung geh toh jơh, bơh khai kòñ gơboh oă;(Luka 7:47). Ală bơta he đơs tờm kơp ngai là cơng tàng loh làng ràng tơlik he găm lot jat bơh nus toh glai hala ò. Yang Jesu geh đơs la Yàng Jesu đơs mơ ală cau bơtê lah: “Ò rgơi ò gơs kai lơh gơtup tìs! (Luka 17:1). Kơp kờn ală bơta gơ tơn tus, bol he kung geh gơs nus niam lơ hơn mơ bing bơta nđac.

Dan jà bol he dô nùs bal tòm bơta hòi dan: Khoai Yang kờn gơboh, dăn ai kon in jơh nus dờn dợp nus kờn gơboh Yang di nàng kon kung git ai wơl cau gut dar in git. Kon jơh nus ưn ngai Yang neh toh glai kon in. dăn ai bơta nđac kon in nàng git ceng tus di cau ndai. Dăn pơn đăng sol nus kon in, ràng tơlik ală bơta pun dơp găm nus sơ êt sơ êl ò toh glai, mơ tề lam kon lot tơm bơta song Yang di. Kon dòn la ò gơs bơta lơi là kal kle Yang in. Kon jơh nus hoi dăn tơm sơ Đăn Yang Jesu Krist. A-men.

Ơ ală ồng mò oh mi kờn gơboh, digơlăn nus oh mi găm kơnjớ kơnjit bơh ală tềp sột yau, ban at ală bơta dô nă. Cèng té tus mơ Yang Jesu. mìng Yang mơ rgơi sơm bời ală tềp sột drô dơp tơm nus mơ ai pran kon in git toh glai cau ndai in. Bol he sak rwah toh glai bơh Yang neh kờn gơbh mơ toh glai kon in lài. Tú he git tă tơlik nus gơjran, hớ la tú bơta lơngai ngan Yang di bìng lìu, tơm wơl he in nus niam lơ hơn, bìng lìu nus kờn gơboh.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.