Gơs oă dơ̆ di gùl bơta gê ga, bol he ni sơ na sền gŏ bè là cau ò gŏ bơta jê sôt băl mơ gơp. Nùs niam, là bơta păl càng gơs dồ nă kòn mơ nus dê, tŭ do gơlik gơs dồ bơta kas màng ngăn. Cau rngot gơs bơta blach pơr lồm, păl kơlôi sơnơng, hala dòp rọ bơta ờ păl càng, gen păl pồn să he tòm taih ơm lơngai bè tap ơm kòn tu. Mơya, tòm tiah jrô dơp kờp hwềng soàn, kòp nă cau kung kơp koñ dồ jơnau hòi còp să ngăn? Di gùl dunnia oă bơta ờ niam hơ̆, gen ngăn lah Yàng neh ơn tòm kòp bol he nàng lơh duh hur hwềng nùs băl mơ gơp bơh bơta koñ gơboh ngăn?
Ngai do, ngai 28/09/2026, Bơta Hòi Dan Kòp Ngai dan jà ồng mò oh mi bơtê bal Jơnau Yàng bơh kơnòm dê bơta dong kòl Jessica Teed bơh tơnggume BƠTA IS NGĂN DI GÙL DUNNIA SIƠ̆U KƠÑ GƠBOH

Yàng Jesu đơs lah: “Lòt tĕ lơh jat behơ̆.” (‭‭Luka‬ ‭10‬:‭ 37‬)

“Ñchi bơh tài bi lơh mờ añ bè hơ̆ taih?”- cau bi hơ̆ lùp. Jơnau lùp hơ̆ nùs añ bè cau kơt jê ngăn, mờ sùm gơ ơm tòm bồ tơngoh.

Añ ai bi in dồ nơm ồi răm. Añ ò rgơi đơs jơnau lơi rlau mờ jơnau ưn ngài: “Gơs bơta lơi mờ añ lơh ờ niam mờ bi sơl?”

Cau bi sền añ, rgô bờ nì mờ đơs: “Bơh ờ gơs cau lơi lơh bè hơ̆.” Sền añ bơh bồ tus lồi jơng, cau bi đơs tai: “ Bi ò dròm bè bol khai.”

Tòm dunnia ngai do, bơta lơh broă niam hala nùs nhơm niam hơ̆ gơlik gơs bơta is ngăn, ò di tai là broă mờng òs mờ kòn mơ nus lơh băl mơ gơp. Gen tàng, mìng dồ nơm broă niam tus bơh dồ nă cau he ò kwèng lơh he in sền krơi is ngăn. Bol he neh lòt bơta hơ̆ sơl? Geh tŭ lơi gơs dồ cau he ò kwèng ni sơ na lơh broă niam mờ bol he sơl? Tŭ hơ, bol neh neh kơlôi bè lơi?

Bulah kòn mơ nus dê là oă bơta sền dờng màng să tòm he, Sră Goh hòi jạ bol he kis dồ rài kis toh glài băl, ò mìng koñ gơboh cau gùt dăr he mờ kung koñ gơboh dê cau sò tòm he, bè Yàng Je-su neh lơh. (Sền tòm sră Mathiơ 22:37039; Mathiơ 5:43-47. Philip 2:3-4)

Tòm sră Luka 10, dồ nă cau bơto bơta boh lam neh lùp Yàng Je-su: “Ñcau là cau gơp ƀòn añ taih?”

Nàng hơ wơl jơnau lùp hơ̆, Yàng Jesu neh yăl dồ jơnau yăl yau bơh dồ nă cau Samari lơbơn niam (Sền tòm sră Luka 10:30-37) Tòm jơnau yăl hơ̆, dồ nă cau ne bơh Jerusalem gơtìp mpồl cau phà kơñau; pù lơh khai, gen lòt, lòi khai mòr chơt. Cau gơnoar ơn phan duh khoai mờ cau Lebi lòt tus, gŏ cau hơ̆, gen pleh đah ne mơ lòt gan. Pơrlơ̆ wơl cau neh ơm wơl mờ dŏng tă khai là dồ nă cau Samari- là dồ nă cau mờ làng bol Je-ru-sa-lem gơ jrăñ ngăn mờ pleh ngai. Lòt găn jơh ala bơta kup kơr yăn mờ bơta gơ jrañ is di gùl bàr làng bol, cau Samari neh gơs nùs nđàc sơngit mờ nùs koñ gơboh.

“Tòm pe nă cau hơ̆, mê kơlôi ñcau la cau gơp ƀòn mơ cau gơtìp mpồl cau phà kơñau taih?” Khai ho lah: “Hơ̆ la cau neh yal tơlik nùs kòñ nđàc di khai.” Yàng Jesu đơs lah: “Lòt tĕ lơh jat behơ̆.” (‭‭Luka‬ ‭10‬:‭30‬-‭37)

Yàng Je-su bơto bol he păl koñ gơboh Yàng Tòm Trồ jơh hwềng nùs, jơh hwềng soàn, jơh bồ tơngoh mờ jơh pràn. Dùl tòm ala gùng nàng ràng tơlik bơta koñ gơboh hơ̆ là koñ gơboh ala cau Yàng neh ơn tòm rài kis bol he, bulah hơ̆ là cau lơi, cau bol he git halà ò git. Tŭ lơh niam mờ ala cau ndai bơh nùs nđàc sơngit mờ broă niam, hơ̆ là bol he ràng tơlik dồ hwềng nùs neh geh tòm gơl bơh bơta koñ gơboh mờ phi să Bơtau Krist hơđang chi pơng dê. Sră Goh kung tơng kah kòp nă bol he păl lơh nền bơh ală broă lơh mờ ala cau gut dăr he. (Sền sră Mathiơ 25:34-46)

Tŭ git pờ hwềng nùs mờ pờ măt nàng sền dê ala cau gut dăr he, ò cah is kòp cau lơi, bol he rơp geh tŭ kwơ màng nàng lơh gơs bơta àng di gùl dunnia klăm jơngo do, mờ kung lơh gơs dồ nơm phăn ngui niam tòm tê Yàng Jê-su, cèng bơta kơñ gơboh Kơnràñ dê tus kờp nă ala cau găm koñ Kơnràñ rlau jơh.

Dan jà bol he dô nùs bal tòm bơta hòi dan: Khoai Yàng, dăn pờ măt mờ hwềng nùs kòn nàng ai kòn in sền gŏ ala cau mờ Kơnràñ cèng ơn tòm rài kis kòn, ala cau ò geh bơta gơn kơnờm mò koñ git Kơnràñ. Dăn bơtê kòn git lơh niam mờ bol khai bơh koñ gơboh mờ nùs nđàc sơngit bè Kơnràñ neh koñ gơboh kòn. Dăn ngui kòn bè là plàng tê mờ jơng Kơnràñ nàng cèng jơnau song mờ bơta àng Jơnau Niam tus dê ala tiah găm ơm tòm klam jơngo. Kòn jơnùs hòi dăn, tòm sơnđăn Yàng Je-su Krist, A-men.

Ơ ồng mọ, oh mi koñ gơboh, di gùl dunnia neh mờng òs wèt kời băl mơ gơp, geh tŭ lơi bol he lùp is lah” Dơ̆ dut mờ bol he ơm wơl nàng ê sền dồ nă cau ndai là tŭ lơi? Gơs cau lơi găm ơm di gùng lòt kòp ngai bol he, sùm cèng is bơta jê sồt, ơm is hala ò geh bơta gơn kơnờm mờ he ò sền rơ mê sơl? Ngai do, Yàng ơn dê cau lơi dê đap mat bol he, nàng bol he koñ goboh bè Kơnràñ neh koñ gơboh bol he taih? Kơp koñ bơh kòp nă bol he, nùs nđàc sơngit Yàng dê sùm geh rơ sìh mờ lơh duh hur kòp hwềng nùs găm bol glăr mờ mrềt ngăn ne.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.