Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Tib neeg pheej hais txog txoj kev cia siab zoo li ib txoj kev xav mus rau feem zoo, puv npo kev ywj pheej. Tiamsis yuav zoo li cas yog tias “raug kaw cia” los ntawm peb tus kheej txoj kev cia siab? Koj kub siab heev dhau tos kom Vajtswv teb koj lo lus taij thov txog qib uas koj ua poob koj txoj kev kaj siab thiab kev txaus siab hauv lub neej? Txhob rawm, vim Vajtswv tab tom tuav koj rau ntawm thaj chaw tso siab thiab Vajtswv cog lus tias Nws yuav foom koob hmoov tshaj ntau npaug rov rau koj.

Hnub no, yog hnub 06/02/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Sarah Fletcher dhau ntawm Zaj kawm RAUG KAW LOS YEEJ TSEEM MUAJ KEV CIA SIAB

“Cov neeg uas raug ntes mus, nimno nej rov muaj kev cia siab lawm, nej cia li rov los; rov los nyob hauv nej lub tebchaws tso siab lug. Nimno kuv qhia rau nej hais tias, kuv yuav them ob npaug rov rau nej thiab foom koob hmoov rau tej uas nej raug kev txomnyem los lawm” (Xakhaliyas 9:12)

Ua ntej yuav txog xyoo tshiab, tej zaug peb txhua tus kuj hnov puv npo kev cia siab. Vim ntawm no yog lub sijhawm uas peb tig rov qab mus saib yav dhau los thiab tig mus rau tom ntej, rov qab tshuaj tej thaj chaw uas peb tau mus txog thiab npau suav txog ib thaj chaw uas peb xav mus. Los ntawm tej kev xav yuav mus rau tom ntej ntawd, yuav zoo li cas yog tias koj hnov koj yuav tau nyob twj ywm tus tus, ruaj siab rau ntawm thaj chaw uas tus cev lus Xakhaliyas hu “lub yeej”?

“Cov neeg uas raug ntes mus, nimno nej rov muaj kev cia siab lawm, nej cia li rov los; rov los nyob hauv nej lub tebchaws tso siab lug. Nimno kuv qhia rau nej hais tias, kuv yuav them ob npaug rov rau nej thiab foom koob hmoov rau tej uas nej raug kev txomnyem los lawm” (Xakhaliyas 9:12).

Ntau zaug peb muab los maj nroos heev khiav mus rau tom hauv ntej – khiav caum tej yam uas nyhav tshaj peb lub zog, nyhav tshaj peb txoj kev xav thiab peb lub homphiaj uas Vajtswv npaj tseg rau peb.
Vajtswv txojlus nyob hauv Xakhaliyas tau chwv txog kuv lub siab, thaum uas kuv kub siab maj nroos nrhiav kev dim, nrhiav kev tau kho zoo thiab kev pab rau kuv tus kheej thiab kuv tej neeg txheeb ze. Hnub no dhau lwm hnub, kuv thov Vajtswv pab hloov pauv kuv lub caijnyoog thiab ua kom tiav Vajtswv tej lus cog tseg.

Txhua yam cuag li nkag siab meej – kuv nkag siab txog lub neej, muaj tej lub sijhawm, muaj qee qhov teeb meem thiab ntau lub caijnyoog yuam kom peb yuav tau nres thiab muaj kev txaus siab, txawm yog peb yuav ntsib tej yam uas tsis raws li siab xav. Nres tsis tau txhais tias yog txaus siab, tso tseg tiamsis yeej tseem tuav rawv txoj kev cia siab txawm yog tus kheej yuav raug muab khi cia.

Kuv ntseeg tias muaj tej lub sijhawm Vajtswv muab peb tuav cia rau hauv lub yeej ntawd, tshuav sab nraud txoj kev cia siab yeej tseem ua haujlwm dhau los ntawm peb tej lus taij thiab thov, txawm yog peb puas yuav ntsia pom lossis tsis pom. Thiab kuv nco Vajtswv tshav ntuj vim Vajtswv txojlus tab pov tias lub yeej no yog ib qhov chaw tso siab – yog qhov chaw tuav kom peb tau txais kev kaj siab mus txog rau thaum kev cia siab tau nthuav tawm thiab coj peb mus txog rau ntawm qhov chaw rov qab zoo.

Nqe Vajluskub no ntxiv txoj kev cia siab nyob rau hauv peb lub neej dhau los ntawm tej lus cog tseg tias Vajtswv yuav ntxiv ntau npaug tej uas peb twb poob lawm rov rau peb.

Nyob rau hauv xyoo tshiab no, cia siab tias tag nrho peb sawv daws yuav muaj lub siab tus tuav rawv peb txoj kev cia siab uas peb tau lees, kom txoj kev cia siab ntawd yuav tiv thaiv peb kom peb tau nyob hauv qhov chaw tso siab mus txog rau thaum txog kev zoo tau ua nyob rau hauv peb lub neej; vim tus tau cog lus rau peb yog tus Vajtswv uas ncaj ncees!

Thov caw nrog kuv peb thov Vajtswv ua ke.
Tus Tswv ntau zaug kuv muab los kub dhau los sai dhau ua raws li tej yam uas kuv xav tau. Thov Vajtswv pab kom kuv paub nrhiav koj thiab tos koj lub siab nyiam. Ua Vajtswv tsaug vim tau tiv thaiv kuv nyob rau ntawm lub yeej uas muaj kev kaj siab. Kuv ntseeg thiab tos koj lub sijhawm uas koj yuav ua koj lub homphiaj ntxiv nyob rau hauv kuv lub neej. Kuv thov hauv Tswv Yexus Khetos lub npe. Amees.

Cov kwv tij txhua tus, koj puas tab tom ua poob koj txoj kev kaj siab tiag lawm thaum uas koj lub siab ceev dhau ua raws li koj tus kheej lub homphiaj? Cia siab tias nyob rau hauv xyoo tshiab no, koj yuav paub Vajtswv lub siab nyiam nyob hauv txhua lub sijhawm, kom ua lub neej txaus siab nyob rau txhua lub caijnyoog, nrog txoj kev cia siab khov kho rau ntawm Vajtswv tej lus cog tseg, ntseeg tias Vajtswv yuav tiv thaiv peb thiab pub rau peb txoj koob hmoov ntau npaug.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.