Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Lub homphiaj uas Vajtswv npaj tseg rau peb tsis nyob ntawm tej uas peb ua tau lossis ua tsis tau nyob rau lub neej yav dhau los. Vajtswv muaj homphiaj tseg rau peb lub neej thaum chivkeeb los. Vajtswv xav kom peb ua neej nyob rau tamsim no thiab tig mus rau tom ntej, saib txhua yam raws li tej uas Vajtswv tau ntsia pom.

Hnub no, yog hnub 12/01/2024, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Zsa Zsa Palagyi dhau ntawm Zaj kawm HNOV QAB LUB NEEJ DHAU LOS

“Yog li ntawd, kuv thiaj li khiav ncaj nraim mus rau tus ciam tom kawg kom kuv tau nqi zog. Qhov nqi zog ntawd yog txojsia ntev dhawv mus ibtxhis uas Vajtswv khaws cia rau saum ntuj ceebtsheej tos peb cov uas ntseeg Yexus Khetos.” (Filipis 3:14)

Taig kis no nyob ntawm txoj kev mus tom kuv thaj chaw ua haujlwm ces kuv ntsia pom muaj ib daim duab luag ua kom zoo li muaj tiag, thiab kuv ntseeg tias ntawm no yog yam uas Vajtswv xav qhia kuv. Lub sijhawm ntawd, kuv tab tom tsav kuv lub tsheb tshiab thiab saib ntsoov rau txoj kev tom ntej. Zoo li lwm tus tsav tsheb ua tib zoo saib, kuv kuj tshuaj lub tsom iav saib kev saib cov tsheb khiav tom qab. Lub sijhawm uas kuv tsav tsheb ntawd yog lub sijhawm uas muaj ntau lub tsheb tab tom tawm mus. Kuj zoo li kuv, txhua tus tsav tsheb lawv yeej ua tib zoo tsav lawv lub tsheb kom mus txog chaw.

Tas kuv ntsia pom ib yam uas nws hloov pauv kuv lub neej thiab hnov qab kuv txoj kev xav. Lub sijhawm ntawd, daim iav saib kev thiab daim iav nyob sab nraud puav li ci ib tug duab tshav ci daj tuaj rau kuv lub qhov muag. Ntawm no yog tus duab tshav ntuj thaum sawv ntxov. Peb yuav ntsia pom cov duab no luag siv coj los luam rau ntawm tej tsab ntawd xa xov.

Tiamsis nyob rau lub sijhawm no kuv ho tsis pom lub sijhawm zoo li no. lub sijhawm ntawd, kuv saib mus rau ntawm kuv txoj kev vim txhua yam nyob ntawm kev kuv saib pom tsis tseeb. Tus duab ci ntawd ua rau kuv lub qhov muag plag tas.

Tib lub sijhawm ntawd kuv kuj ntsia pom tus duab ci tshav ntuj nws ci rau lub tsev lag luam nyob deb deb tom hauv ntej. Kuv tseem ntsia pom lub hnub ci tuaj rau lub tsev ntawd. Tiamsis vim li cas tus duab tshav ntawd ho tsis ua rau kuv lub qhov muag plag? Kuj yog tib tug duab tshav rau thaum sawv ntxov tiamsis saib nws ho txawv tsis zoo li thaum ci tuaj rau yus qhov muag ua rau qhov muag pla

Tas tus duab tshav ci tuaj rau kuv. Tus duab tshav lub sijhawm ntawd zoo heev, kuv ntsia pom tus duab tshav thaum sawv ntxov tsis yog ntsia pom los ntawm daim tsom iav.

Twb yog lub sijhawm uas kuv lub qhov muag plag ntawd ua rau kuv xav txog tej yam uas peb pheej muab ua poob tej yam uas nyob tom ntej thiab tej yam zoo uas Vajtswv tab tom ua nyob hauv peb lub neej.

Tseeb tiag, kuv twb ntsib dhau tej ntawd lawm. kuv pheej ua poob tej yam uas Vajtswv tab tom ua rau kuv tsuas ceev faj txog tej uas Vajtswv tab tom ua pub rau lwm tus xwb. Txawm yog txoj kev nrog tus Tswv mus yeej tseem muaj kev txomnyem los peb yuav tau ntseeg siab rau Vajtswv. Peb yuav tau saib ntsoov rau Vajtswv thiab tos Vajtswv.

Yam dabtsi yuav tshwmsim thaum uas peb saib ntsoov rau ntawm Vajtswv? Yog peb pheej saib tej uas yus ua tsis tau lossis tej uas yus ua yuam kev nyob rau lub neej yav dhau los yuav zoo li cas? lossis tej kev ntshaw uas tseem tsis tau tau? Lossis tej kev puas tshuaj cuam tshuam rau peb? peb puas poob rau tej kev tu siab lossis tej kev mob siab nyob hauv lub neej uas peb tsis tsimnyog ntsib dhau? Tej zaug peb txhua tus puav leej muaj txoj kev xav zoo li ntawd nyob rau lub sijhawm uas muaj kev txomnyem.

Yog li, peb tsis tsimnyog saib rau tej kev puas tshuaj ntawm tus kheej lossis tej kev puas tshuaj uas lwm tus raug peb yuav tau hnov qab tej ntawd mus. Pauv rau tej ntawd peb yuav tau tig mus rau lub neej tom ntej saib rau tej yam uas nyob tom ntej.

Puas yog tej uas Vajtswv muab pub rau peb yog tej yam uas twb tshwmsim nyob rau xyoo dhau los, thiv dhau los, nag lossis nag hmo? Tsis yog li ntawd vim Vajtswv muaj homphiaj tseg rau peb lub neej puag thaum Chivkeeb los lawm.

Yog li peb yuav tau mloog Vajtswv lus thiab ntseeg siab rau Vajtswv nyob hauv tej kev sim siab uas Vajtswv tso cai rau tshwmsim tuaj. Dhau los ntawm tej kev sim siab ntawd Vajtswv cob kom peb yim hnub yim loj hlob thiab ua rau peb muaj kev cia siab raws li Vajtswv tej lus cog tseg tau sau nyob hauv Loos 5:3-5: “Tsis yog li ntawd xwb, peb zoo siab qhov uas peb raug kev txomnyem, rau qhov peb paub hais tias txojkev txomnyem ntawd ua rau peb ua taus siab ntev, qhov uas peb ua taus siab ntev haum Vajtswv siab, thiab qhov uas peb ua haum Vajtswv siab ua rau peb muaj kev cia siab. Txojkev cia siab no tsis ua rau peb poob ntsejmuag, rau qhov Vaj Ntsujplig tus Dawbhuv uas Vajtswv twb pub rau peb lawm, qhia rau peb hais tias Vajtswv hlub peb kawg li.”

Vajtswv txojlus nyob hauv 2 Kauleethaus 12:9 “tiamsis Vajtswv teb kuv hais tias, “Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog.” Vajtswv hais li no, yog li ntawd qhov uas kuv qaug zog ua rau kuv zoo siab kawg li, rau qhov Yexus Khetos lub hwjchim yuav tsomkwm kuv.”

Vajtswv yog tus muaj hwjchim thiab Vajtswv xav kom peb hnov qab peb lub neej dhau mus lossis tej yam uas tab tom tshwmsim rau tamsim no. tsis tas li ntawd, Vajtswv txojlus qhia rau peb paub tias Vajtswv yog tus ncaj ncees thiab nws yeej ua raws li nws tej lus cog tseg. Ob nqe Vajluskub nyob hauv Teev Npe 23:19 thiab 2 Kauleethaus 1:20 ua pov thawj rau tej ntawd: “Vajtswv tsis zoo li tej neeg uas pheej hais lus dag; Nws tsis yog tus uas pheej yuav hloov siab Nws coglus li cas, nws yeej ua li ntawd; nws hais li cas, yeej muaj li nws hais, rau qhov tej uas Yexus ua puavleej tiav raws li Vajtswv tej Ius cog tseg. Twb yog vim li ntawd peb cov uas ntseeg Yexus Khetos peb thiaj hais tias, “Amees,” yog peb ua rau Vajtswv tau koob meej.

Vajtswv txojlus nyob hauv Vajluskub qhia rau peb paub tias cov neeg Yixalayees tsis mloog Vajtswv lus thaum Vajtswv coj lawv mus tom roob moj sab qhua. Lawv pheej yws thiab pheej nroo. Txawm li los, Vajtswv yeej ua raws li Vajtswv tej lus cog tseg rau lawv thiab lawv tej menyuam.

Vajluskub muaj Vajtswv tsab ntawv kev hlub thiab Vajtswv tej lus cog tseg rau peb nyob hauv. Ntseeg tias Vajtswv twb npaj txhij lub homphiaj zoo rau peb lawm tseem loj dua peb lub homphiaj.

Vajtswv txoj kev thiab Vajtswv lub tswv yim tseem loj dua koj txoj kev (Yaxayas 55:8-9). Vajtswv paub tseeb koj puag thaum Chivkeeb los lawm (Ntawv Nkaj 139:16). Vajtswv yog tus uas tsim koj los nyob rau hauv niam plab (Ntawv Nkauj 139:13). Thiab koj yuav khiav tsim diam ntawm Vajtswv xub ntiag (Ntawv Nkauj 139:7). Vajtswv muaj hwjchim ua tau txhua yam uas koj xav txog (Efexaus 3:20).

Peb puav leej paub zoo cov nqe Vajluskub no. tiamsis tsis paub txhua hnub dhau mus peb puas saj tau qhov tseeb no? Vajtswv txojlus nyob hauv Yaxayas 42:9 qhia rau peb paub tias Vajtswv tab tom ua tej haujlwm tshiab: “Tej uas kuv hais tseg twb muaj lawm, nimno kuv yuav qhia tej yam tshiab rau nej ua ntej thaum uas tej ntawd tsis tau tshwm los.”

Loos 8:28: “Peb paub hais tias peb cov uas hlub Vajtswv, txawm yog peb tau zoo thiab txomnyem los Vajtswv yuav ua kom tej ntawd muaj nqis rau peb cov uas Vajtswv porn zoo hu los raws li Vajtswv npaj tseg lawm”

Puas yog Vajtswv xav kom peb daig twj ywm rau lub neej yav dhau los? puas yog Vajtswv tsis xav kom peb saib ntsoov mus rau tom ntej? Yeej tsis yog li ntawd Vajtswv xav kom peb hnov qab lub neej dhau los thiab tig mus rau lub neej tom ntej (Yaxayas 42:7, 61:1). Tiamsis muaj ntau zaug nyob hauv lub neej no peb ho tsau tsawv rau lub neej yav dhau los thiab tsis tig mus rau lub neej tom ntej

Yog li peb yuav tau nyob hauv Leej Txiv txhais tes thiab nrhiav Vajtswv txoj kev txhawb zog (2 Kevcai 32:27, 2 Kauleethaus 1:3-5).

Yog li peb tsis yog tsuas nyeem Vajtswv txojlus xwb tiamsis peb tseem nco ntsoov Vajtswv txojlus nyob hauv peb siab thiab.

Yog li nyob hauv txoj kev nrog tus Tswv mus, peb tig rov qab mus saib lub neej yav dhau los kom nco Vajtswv tshav ntuj vim Vajtswv tiv thaiv peb. saib ntsoov rau Vajtswv thiab ntsia ntsoov Nws. Tseg Vajtswv ua tus pab kom peb ntsia pom txhua hnub, hauv lub neej lub caijnyoog thiab koj lub neej tom ntej thiab ntau zaug lub neej yav dhau los raws li Vajtswv txoj kev ntsia pom tsis yog raws li koj. Thaum koj ua tau li ntawd koj yuav ua tau raws li Vajtswv lub siab nyiam zoo tseg rau koj lub neej raws li Vajtswv txojlus tau sau tseg nyob hauv Yelemis 29:11

“Kuv tib leeg thiaj paub tej uas kuv npaj yuav ua rau nej, kuv yuav pab kom nej vammeej tsis yog ua kom nej puastsuaj, nej thiaj muaj kev cia siab rau yav tom ntej.”

Thov caw nrog kuv peb thov Vajtswv ua ke.
Ua Vajtswv tsaug vim Vajtswv siv zaj kawm hnub no los ntuas kom kuv nco ntsoov txhob cia kev txhaum, kev puas tshuaj yav dhau los cuam tshuam txog kuv txoj kev sib raug zoo nrog Vajtswv. Thov Vajtswv pab kom kuv paub tias Vajtswv muaj homphiaj zoo tseg rau kuv lub neej. Thov Vajtswv pab kom kuv nyob hauv Vajtswv txhais tes thiab nrhiav Vajtswv txoj kev txhawb zog nyob rau txhua lub caijnyoog uas kuv ntsib. Kuv thov hauv Tswv Yexus Khetos lub npe. Amees.

Cov kwv tij txhua tus, cia li xav txog tej kev puas tshuaj, kev txhaum yav dhau los uas tab tom tav koj kev tamsim no. cia li xav txog tej yam uas yuav tab kaum koj tig mus rau tom ntej? Qhov twg yog yam uas dag ntxias kom koj pheej kiv mus kiv los nyob hauv koj lub hlwb? Ntawm no yog lub sijhawm uas koj yuav tau tig mus rau ntawm Vajtswv txojlus. tseg sijhawm los kawm los xav txog Vajtswv txojlus. cia li xav txog yam twg yog tseeb thiab xav Vajtswv txoj kev hlub tseg rau koj. Cia siab tias Yexus Khetos txoj kev kaj siab yuav nrog nraim koj nyob.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.