Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab.

Lub ntiajteb uas peb ua neej nyob no muaj ntau yam uas peb paub tsis txog, tiamsis ntshe yuav tsis muaj ib yam dab tsi uas peb tsis paub txog ntau npaum li Vajtswv txoj kev hlub tseg rau peb. Yim nrog tus Tswv mus peb yuav yim “totaub hais tias Yexus Khetos txojkev hlub dav li cas, ntev li cas, siab li cas thiab tob li cas, Thiab kom nej paub Vajtswv txojkev hlub uas tsis muaj leejtwg paub txog, nej thiaj yuav paub tej uas Vajtswv ua txhij txhua”

Hnub no, yog hnub 17/03/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Mika Edwards dhau ntawm Zaj kawm VAJTSWV TXOJ KEV HLUB UAS PEB PAUB TSI TXOG

Kom nej thiab Vajtswv haivneeg txhua tus muaj cuabkav totaub hais tias Yexus Khetos txojkev hlub dav li cas, ntev li cas, siab li cas thiab tob li cas (Efexaus 3:18)

Kuv yog ib tug neeg uas nyiam nyeem ntaub ntawv. Coob tug suav tias ib tug neeg qhia toán trung học phổ thông nyiam nyeem ntaub ntawv yog ib yam uas ntseeg tsis tshua tau. Tiamsis kuv suav tias qhov tseeb no nthuav qhia tias ib tug neeg nws nyiam ntau yam, xws li uas thaum yus txhais tau ib bài toán phương trình thiab tseem nyiam tej zaj xwm uas zoo muaj ntau tus nyiam. 

Nyob rau kuv cov ntawv uas kuv nyiam nyeem, kuv nrhiav pom ib qhov zais cia uas tsis paub txog phim heev rau tej uas kuv hais saum toj.  Ntawd yog tej yam uas ua rau koj hnov ntxhov nyho thaum uas koj siv zog muab txhua daim duab coj los dhos ua ke. Kuv yeej tsis nkag siab tau qhov uas xav tsis txog ntawd, ntawd yog Tswv Yexus txoj kev hlub tseg rau tib neeg ntiajteb! Kuv tsis nkag siab hais tias Vajtswv hlub kuv npaum li cas. Kuv tsis ntseeg hais tias kuv yuav nkag siab tau txoj kev zoo no kom tag thaum uas kuv tseem nyob rau hauv lub ntiajteb no. 

Kuv ntseeg tias Paulus kuj hnov ib yam li ntawd thaum uas xav txog Vajtswv txoj kev hlub uas peb tsis paub tag ntawd. Paulus thiaj sau ib tsab ntawv xa rau cov ntseeg nyob rau hauv Efexaus tham txog nws tej kev xav thiab koj puas paub hais tias kuv NYIAM ntu Vajluskub no npaum cas? Vajtswv tau muab tej lus no coj los sau rau hauv kuv lub siab ntau xyoo dhau los thiab rov qab ua rau kuv hais tsis tsheej lus txhua zaug uas qhov tseeb no rov qab tau hais txog dua. 

Thaum no kuv thov caw koj ua tib zoo maj mam mloog tej lus no nyob rau hauv Efexaus 3:14-21, 

Twb yog vim li no kuv thiaj txhos caug ntua ntawm Vaj Leej Txiv lub xubntiag;  nwg yog tus uas txhua haivneeg tsis hais cov uas nyob saum ntuj ceebtsheej thiab cov uas nyob hauv ntiajteb no hu hais tias Leej Txiv. Kuv thov Vajtswv tus uas muaj koob hmoov ntau kawg nkaus pub nws tus Ntsujplig lub hwjchim rau nej kom nej muaj lub siab tawv,  thiab kuv thov Yexus Khetos los nyob hauv nej lub siab. Kuv thov Vajtswv pab kom nej muab siab npuab Vajtswv ib yam li tsob ntoo uas tej cag ntsia av tob tob thiab kom nej puv npo txojkev hlub. Kom nej thiab Vajtswv haivneeg txhua tus muaj cuabkav totaub hais tias Yexus Khetos txojkev hlub dav li cas, ntev li cas, siab li cas thiab tob li cas. Thiab kom nej paub Vajtswv txojkev hlub uas tsis muaj leejtwg paub txog, nej thiaj yuav paub tej uas Vajtswv ua txhij txhua. Peb cia li ua Vajtswv tsaug, rau qhov Vajtswv tus uas muaj hwjchim, nws nyob hauv peb lub siab. Nws ua tau ib puas tsav yam ntau dua li tej uas peb thov thiab tej uas peb xav. Peb cov ntseeg yuav tsum nrog Yexus Khetos ua kom Vajtswv tau koob meej ib tiam dhau ib tiam mus ibtxhis li! Amees. 

Kuv tsis xav poob sijhawm ntau los mus nrhiav tej lus txhais rau Vajtswv txoj kev hlub uas xav tsis txog ntawd, tiamsis kuv xav nyho hau ntxhis los qhuas thiab ua Tswv Yexus tsaug rau Nws txoj kev hlub, txoj kev hlub siab tshaj txhua txoj kev to taub. Txawm yog kuv lub neej tom ntej no yuav muaj ntau yam hloov pauv. Thiab kuv lub neej tamsim yuav muaj ntau yam tsis zoo li kuv xav los kuv yuav tsis xav thiab kuj tsis cia tej ntawd npog Vajtswv txoj kev hlub loj kawg nkaus thiab puv npo hwjchim ntawd. 

Yog tias Vajtswv txoj kev hlub yeej tseem tsis tau txaus ua rau koj xav tsis thoob, ces koj yuav tau paub tias Vajtswv nthuav qhia Nws txoj kev hlub ntawd los ntawm ntau txoj kev uas peb yuav tsis muaj ib yam dab tsi los ntim tas. Vajtswv nthuav tawm txoj kev hlub ntawd los ntawm tes haujlwm ntau heev nyob rau hauv peb lub neej tshaj li tej uas peb taij thov thiab xav txog, thiab ntau zaug tseem mus deb tshaj peb tej kev xav thiab. 

Tus sau Priscilla Shire hais tias, “Vajtswv ua tau. Zaum no tas zaum tod, Vajtswv tau ua tim khawv meej meej qhia rau kuv tias tej yam uas tabtom thaiv peb kev yuav thaiv tsis tau Vajtswv kev”.

Thov caw nrog kuv peb thov Vajtswv ua ke: Ua Vajtswv Koj tsaug los ntawm Koj txoj kev hlub uas peb xav tsis txog uas Koj tau ua dhau saum ntoo khaublig pub rau peb, thiab txhua zaug uas ntsib dhau  ib zaug nrog Koj mus ua ke. Txawm yog tom ntej yuav tsaus ntuj nti. Tamsim no yuav muaj kev txomnyem los, thov kom Koj txoj kev hlub pab rau kuv ruaj siab rau Koj thiab ua lub neej puv ntoob, tawg paj txi txiv hauv Koj. Kuv thov hauv Tswv Yexus Khetos lub npe. Amees.

Cov kwv tij txhua tus, thov kom Tswv Yexus txoj kev hlub hliv los rau hauv koj hnub no, tshuab ib tug pa tshiab tuaj rau kom txog Vajtswv txoj kev tshwm ntsej tshwm muag. Thov kom Vajtswv txoj kev hlub ntau thiab puv ntoob ntawd tau nthuav tawm kom koj kub siab lug rau Vajtswv. Txhob cia ib yam dab tsi tav koj kev kom koj tsau tsawv rau hauv Vajtswv txoj kev hlub uas koj xav tsis txog ntawd los ntawm lub siab ua tsaug thiab pehawm Nws.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawd cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.