La kon sau Yàng Tòm Trồ dê, bol he geh hòi sac kis pha is, ò đòm jat dunnia. Mơya ngai do dunnia dê bêng bơta hwài pơndòm nàng lơh he in gơlik gơs dô pơnah khai dê. Behớ, rơp lơh mbe lơi nàng prap lòi bơta kớ cê tòm bơta dòn, tú tìp ală bơta hwài pơndòm bơh đah bơdih lơh he in dơrcul lơnggơr taih?

Ngai do, ngai 26/01/2025, Rơndap Bơta Hòi Dăn Kờp Ngai hòi jà ồng mọ oh mi kơlôi sơnơng Jơnau Yàng dê bal mơ ồng Dianne Neal Matthews bơh tơnggume NGAN ỒNG MÒ OH MI “ĐÒM JAT RÀI DO”?

“Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê.” (‭‭Rôma‬ ‭12‬:‭2)‬

Nam 1943, bơh siớu cao su tòm bơta tòm lơh dơng II, bơta kơnhơl tiơng pơnro Mỹ dê “Silly Putty”neh geh mòn gơs.

Broă đơs la cau kwang at bồ dà lơgar jòi phan nàng ala cao su tổng hợp, ală cau crơng mòn neh long mơ silocone. Dô nă cau chài rgơi tòm General Electric neh bơtơl axit boric tòm silicone, gơlik gơs dô nơm phan lơbơn, lơiang mơ bơtơl ngan.
Bulah ò rgơi ala cao su, mơya tơnớ mơ bơta tòm lơh, dô nă cau neh mòn phan hớ neh tơlik mat dô phan kơnhơl, sơnđan la Silly Putty tòm kơnhai 3 nam 1950.
Ală phi hành gia tòm Apollo 8 neh ngui Silly Putty nàng lơh kơ-nhap ală phan tòm tiah pah gòi mơ prap lòi go tòm ală tàp priă.

Jơl tus di ngai do, phan kơnhơl do gam cau gơboh. Cau lơh mòn Binney mơ Smith neh mòn pơgap 20.000 nơm Silly Putty kòp ngai. Bơta do geh co giãn, kỡn lơh be lơi di lơm, hala tap hơđang ală rùp. Pơ-àr nàng sao chép wơl. Tơr gòm wơl, ồng mò oh mi rgơi lơh mbe lơi di lơm jat nùs he kỡn.

Rôma 12:2 cih lah: “Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê.”

Ồng Pol neh tơng kah ală cau dòn bãn đòn jat rài do. “Đòm jat” gơtha la cau kơryan he tòm dô nơm khuôn hala rùp ò rgơi tòm gơl.

Ngai do kon mơnùs kỡn ngan jat ală bơta dunnia dê: nùs nhơm, rai kis. Bulah he gơs Yàng Hwềng Goh ơm tòm nùs, mơya dilah ò kơrhia, rngòt ngan bol he rơp gơlik gơs bè dunnia.

Yàng hòi jà bol he kis pha is, ò di ming đah bơdih. Tú he jơh nùs hòi dan, bơtê Sră Goh, duh broă mơ gơtòm klac bal mơ ală kon sau Yàng ndai, bol he rơp geh tòm gơl đah dơlam.

Tú hớ, bol he rơp git wă mơ dòn jat nùs kỡn Yàng Tòm Trồ, mơ rai kis he rơp geh tòm gơl kòp ngai.

Bol he ò di ming mơ mó mó. Dilah ò lòi Yàng tòm gơl nùs kơlôi he, bol he rơp ò krơi bè nhựa mềm, buôn ngan nàng dunnia in klac mòn – bơta hớ iơh rmơh rlau mơ Silly Putty!

Dan jà bol he dô nùs bal tòm bơta hòi dan:
Khoai Yàng kòn dê, dan Kơnràn dong kon sùm kớ bơta dòn, ò lòi ală bơta dunnia do lơh he in dơrcul lơnggơr cơnđoà lòt jat Yàng kon dê. Dan Kơnràn ai kon in gơlik gơs jak chài nàng kơno jơnau Yàng mơ kis jat jơnau song mơ Kơnràn neh bơto. Dan dong kon ò lơh lòt jat dunnia, mơya kừ prap kớ bơta dòn mơ bơta tề lam Kơnràn dê. Kon jơh nùs hòi dan, tòm sơnđan Yàng Jesus Krist, Amen.

Ơ ală ồng mò oh mi kỡn gơboh, la cau dòn Yàng, bol he ò di kis mơ ò lơh bơta lơi, nàng lòi dunnia in klac mòn mơ lơh he in đòm jat gơ. Bol he pal pò nùs nàng Yàng in tò, gơl rai kis mơ nùs nhơm he bơh bơta hòi dan, bơtê Jơnau Yàng mơ tòm klac bal mơ Hiu Jum Goh Kơnràn dê. Tú bol he kis pha is mơ dunnia mơ cơnđoà jat gung dà Yàng dê mơ gơlik công nha Kơnràn in. Ngai do, Jơnau Yàng dê tơngkah ồng mò oh mi pal tòm gơl rai kis, bơta lơh lòt mơ bơta kơlôi sơnơng nàng gơkló ang sơnđan Yàng, nàng ò lòi he gơlik bè dunnia sơl? Jơnau Yàng hòi jà bol he gơlik gơs cau dòn bè Yàng Jesus Krist, ceng jơnau niam mơ bơta tòm gơl niam tòm tiah mơ Yàng ơn he.

Ơm ngac ală ồng mò oh mi yơ. Dăn Yàng ai lơngai ală ồng mò oh mi in tòm jơh dô ngai pa mơ dan tìp wơl ală ồng mò oh mi tòm ngai hìng!

Ơ ală ồng mò oh mi kòñ gơboh, dilah ồng mò oh mi kòñ bơtê git oă rlau bơh Yàng hala gơs bơta kalke, kơlôi sơnơng lơi mơ kòñ tompà mơ bol hi, dan ồng mò oh mi cih lòi wơl bơta kơlôi sơnơng hơ̆ tòm tiah hơđơm do, hala cih tòm fanpage Facebook dê, hala pơyoa email tus dê: [email protected]. Yàng Jesu kòñ gơboh ồng mò oh mi. Bol hi kơp kòñ ngăn gơs bơta gơtòmklac bal mơ ală ồng mò oh mi.