Peb pheej hais tias yus tab tom ua neej nyob hauv Vajtswv txoj kev hlub, tiamsis ntau zaug peb luag txhua lub nra nyhav txhua hnub. Peb ua neej zoo li txhua yam vam khom rau yus lub zog. Peb lees tias peb ywj pheej, tiamsis thaum twg twb mus nrog lub nra nyhav. Peb hais tias peb so hauv txoj koob hmoov, tiamsis lub siab ho tsis muaj ib zaum twg tau so. Peb sib qhia tias Vajtswv lub nra yog lub sib, tiamsis tsis paub peb lub neej puas tab tom saj tau tej ntawd? Tsis paub peb puas nrog Vajtswv mus ua ke txhua hnub nyob hauv lub suab ntawm txoj kev hlub?

Hnub no, yog hnub 23/04/2026, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Daphne Delay dhau ntawm Zaj kawm TUS DUAB ZOO NTAWM KEV HLUB

“Nej cia li los kwv kuv tus quab thiab kawm tej uas kuv qhia, nej thiaj yuav tau so. Tus quab uas kuv muab rau nej kwv yoojyim kwv, thiab lub nra uas kuv muab rau nej ris, lub ntawd tsis hnyav” (Mathais 11:28-30)

“Nej cov uas sab sab vim ris nra hnyav, nej cia li los cuag kuv, kuv yuav cia nej so. Kuv yog tus uas muaj siab dawb siab zoo; yog li ntawd, nej cia li los kwv kuv tus quab thiab kawm tej uas kuv qhia, nej thiaj yuav tau so. Tus quab uas kuv muab rau nej kwv yoojyim kwv, thiab lub nra uas kuv muab rau nej ris, lub ntawd tsis hnyav” (Mathais 11:28-30).

Tswv Yexus paub txoj kev yuav ua li cas kom thiaj chwv tau tej qhov txhab uas nyob tob tshaj hauv tib neeg lub siab. Vajtswv tej lus nws nyob saum lub sijhawm, hloov pauv peb hauv tej kev ua neej nyob huav lub neej tamsim no. Xav tsis thoob li, dhau ntawm ntau tiam, tib neeg yeej pheej sib mos nrog tej teeb meem zoo thooj tib yam: qaug zog, tsis muaj zog, thiab ntau zaug tsis muaj lub siab qhuav qhawv. Tej zaum yog vim li no Vajluskub thiaj ntuas kom peb tsis txhob qaug zog rau txoj kev ua zoo, vim Vajtswv paub, tib neeg yooj yim qaug zog tshaj!

Tswv Yexus tsis caw kom peb coj raws li txhua txoj kev ntseeg, tiamsis hu kom peb los muaj txoj kev sib txuas ua ke nrog Nws. Kev ntseeg yooj yim ua rau tib neeg xav txog tej yam yuav ua li cas kom yog, yuav coj li cas thiaj txaus. Tiamsis tej kev sib raug zoo nws txawv. Ntawd yog txoj kev sib txuas ua ke tiag, yog txoj kev mus ua ke. Thaum uas muaj txoj kev sib txuas ua ke nrog Vajtswv, ces yam uas peb ntseeg yuav tsis yog lub nra nyhav yuav tau siv zog thiaj tuav tau, tiamsis dhau los ua peb lub homphiaj cim civ txaus siab. Yog tias tsuas ntseeg raws li ntau ntawv tsis muaj kev sib txuas ua ke ces ntxov lig kuj yuav qaug zog.

Tswv Yexus hais: “Cov uas sab sab vim ris nra nyhav nyhav cia li los cuag kuv…” Tej kevcai, tej kev cia siab uas kev ntseeg tsim tseg ua rau tib neeg hnov zoo li ib lub nra nyhav. Kuv tab tom hais txog tej kevcai uas tib neeg tau tsim muaj thiab muab khi rau yus, tsis yog Vajtswv tej lus qhia. Twb yog los ntawm tej kev ntseeg tsis muaj kev hlub ua rau lawv qaug zog.

Tiamsis Tswv Yexus hais tias: “Kuv yuav cia nej so thiab nej yuav tau so.. cia li los ris kuv lub nra thiab kawm raws kuv nej yuav tau so.” Tswv Yexus muaj ib txoj kev sib txuas ua ke, tsis raug quab yuam nrog Vaj Leej Txiv. Txoj kev sib raug zoo no nws tsis yog vam los ntawm lub nra lossis kevcai. Tswv Yexus ntseeg Leej txiv thiab Leej Txiv kuj ntseeg nws. Nyob hauv Vajluskub, peb yeej tsis pom Tswv Yexus ntog ib zaug li. Txawm yog nyob hauv Khexemanes, Nws yeej nthuav tawm txoj kev mob, thov kom Leej Txiv tshem lub khob ntawd mus yog tias tau – peb yeej ntsia pom lub siab ntawm txoj kev hlub ua haujlwm rau lub sijhawm ntawd.

Ceev faj, Tswv Yexus hais tias: “rau qhov kuv tus quab thiab lub nra sib.” Zoo heev thaum Tswv Yexus siv “tus quab”. Ntawm no yog ib qhov cuab yeej muab khuam rau ntawm tus tsiaj nrog ib qhov khoom nyhav muab nog ua ke. Txawm yog peb xav tias tus quab yog nyhav los, Tswv Yexus hais tias nws tus “quab” nws tsis nyhav thiab sib. Tswv Yexus tab tom hais txog tej haujlwm uas Tswv Yexus muab cob rau peb, tes haujlwm nws cob rau peb ua hauv peb lub neej.

Qhov no nws tseem yog hais txog tus kheej, tseem muab cob rau peb txhua tus. Vajtswv tej lus yog tus tshim ntsuas rau peb lub neej. Nyob hauv muaj tej kablig kevcai thiab coj peb kev kom sawv khov kho hauv ntiajteb no. tej zaug koj xav tias kev ywj pheej tiag tsis yog yuav kwv ib tug quab twg li, tiamsis tseeb tiag nws ho tsis yog li ntawd. Thaum tsis muaj kev taw kev, tsis muaj kev mus, tsis muaj zeem muag, peb yuav mus rau hauv qhov phomsij thiab yuam kev. Tiamsis Yexus Khetos tus quab nws sib, nws tuav peb txhais taw cia kom tsis ntog thiab coj peb mus txog rau ntawm thaj av rog thiab muaj zib ntab.

Dhau ntawm tej kab lig kevcai tau nthuav tawm hauv Vajtswv tej lus, txhua tus ntseeg tseem tau cob tej haujlwm txawv. Tus quab ntawd tsis nyhav thiab yooj yim kwv. Yog koj tes haujlwm koj ua zoo li ib lub nra nyhav ua rau koj qaug zog, tej zaum txog lub sijhawm yuav taau rov qab mus tshuaj saib qhov haujlwm ntawd puas yog qhov uas Vajtswv cob rau yus ua tiag tiag. Piv txwv nyob hauv lub neej txij nkawm, tus txiv thiab tus niam nws muaj nws qhov haujlwm sib txawv. Qhov haujlwm muab cob rau tus ua txiv tej zaug yuav dhau los ua lub nra nyhav rau tus ua niam. Thaum tus txiv nws tsis saib nws lub nra ua thawjcoj tseem ceeb, lossis thaum uas ob tug ib tug tsis ntseeg siab rau ib tug, tus pojniam yog tus uas yuav tau txhawm rau feem ua tsis tiav ntawd. Thiab qhov no maj nroos dhau los ua lub nra nyhav uas Vajtswv tsis xav muab tso rau tus niam ua.

Tus quab ntawm txoj kev ntseeg nws kuj muaj cuab kav ua rau tib neeg qaug zog li ntawd. Tsuas yog thaum uas muaj kev sib raug zoo ua ke nrog Yexus Khetos xwb, peb thiaj yuav saj tau lub suab ntawm txoj kev hlub. Thaum peb mloog lus thiab tso siab rau Vajtswv, ntawd yog lub sijhawm peb muaj zog. Tswv Yexus hais tias: “Kuv porn zoo hlub koj ces txaus lawm. Kuv yuav pub kuv lub hwjchim rau tus uas qaug zog” (2 Kauleethaus 12:9). Thaum uas peb hnov cuag li tsis muaj zog lossis ntau dhau, ntawd yog lub cim ua rau peb pom meej lossis tab tom ua txhua txoj haujlwm los ntawm yus lub zog, lossis tab tom siv zog ris ib txoj haujlwm uas Vajtswv tsis muab cob rau yus ua.

Yog li yuav tau cim civ nug yus lub siab: koj puas qaug zog thiab hnov tias yog lub nra nyhav? Yog muaj, cia li nrog Tswv Yexus mus ua ke thiab nrog Nws ua haujlwm ua ke. Kawm lub suab ntawm txoj kev hlub.

Thov caw nrog kuv peb thov Vajtswv ua ke: Tus Tswv, ntev loo los no kuv tau swm qhov uas kuv siv zog ua kom tiav lub nra, siv zog ua kom tau tus qauv zoo. Tiamsis hauv kuv lub siab, kuv hnov nyhav heev. Kuv siv zog ris tej uas koj tsis muab cob rau kuv, tas kuv yws koj txog lub nra ntawd. Tus Tswv, thov zam txim rau kuv. Kuv xav kawm txoj kev nrog koj mus, nrog koj ua haujlwm ua ke thiab vam khom koj lub zog. Thov qhia kom kuv paub nyob taus ua ke nrog lub suab ntawm txoj kev hlub, ib lub neej yooj yim thiab kaj siab hauv Vajtswv txoj kev hlub. Kuv thov hauv Tswv Yexus Khetos lub npe, Amees.

Cov kwv tij txhua tus, tus quab uas Vajtswv muab cob yuav mus nrog Vajtswv txoj kev hlub. Vajtswv tsis cia koj ris ib leeg tej yam uas nyhav tshaj koj lub peev xwm thaum pib. Yog li txhua zaug uas koj hnov nkees cia li los cuag Vajtswv thiab muab tag nrho fij rau Nws. Cia Nws ua tus pab koj kom tso tau lub nra nyhav uas tsis yog yus tug, thiab txais yuav txoj kev kaj siab tiag uas Vajtswv pub rau peb. Vajtswv txoj kev hlub yuav ntis koj, kom koj txais tau lub zog tshiab, mus nrog txoj kev zoo siab txhua hnub.

Nyob zoo rau peb txhua tus, thov foom kom nej sawv daws tau txais koob hmoov zoo rau ib hnub tshiab thiab peb mam sib ntsib dua rau tagkis!

Tus phoojywg, yog koj xav paub ntxiv txog Tswv Yexus lossis koj muaj tej teeb meem twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm no, inbox ntawm peb tus fanpage hauv Facebook, lossis xa tuaj rau peb ntawm tus email: [email protected]. Tswv Yexus hlub koj. Thiab peb xav kom txuas tau nrog koj.