Koj tab tom mloog kev thov Vajtswv txhua hnub saum xov tooj cua Oneway Radio los ntawm tej zaj kawm hauv Vajtswv Txojlus dhau ntawm ntau tus lub neej uas lawv tau ntsib dhau txhua hnub, muab tawm ntawm CBN Devotional Daily. Xav kom koj tau lub neej tshiab txhua hnub hauv koj lub neej caum tus Tswv qab

Tswv Yexus yog tus Cawm Seej, yog peb txoj kev cawmdim. Vaj Leej Txiv txib Nws los rau hauv lub ntiajteb no pub txoj kev cawmdim rau tib neeg ntiajteb, nyob hauv muaj koj thiab muaj kuv. Dhau ntawd, peb tsis raug teem txim los ntawm tej kev txhaum thiab tau nkag mus nyob hauv Vajtswv lub tsev neeg uas ci ntsa iab. 

Hnub no, yog hnub 14/12/2022, Kev thov Vajtswv txhua hnub thov caw sawv daws nrog kawm Vajtswv Txojlus ua ke nrog tus qhia Roberto Torres-Cedillo dhau ntawm Zaj kawm YEXUS KHETOS LUB NPE: YOG TUS CAWM SEEJ

“Malis yuav yug ib tug metub, koj yuav tsum tis tus metub ntawd npe hu ua Yexus, rau qhov nws yog tus uas yuav los cawm nws haivneeg kom lawv dim lawv lub txim.” (Mathais 1:21)

Koj xav txog yam dab tsi thaum hais txog lub npe “tus Cawm Seej” lossis “kev cawmdim?” nyob rau ntawm Yauxej thiab Malis nkawd, thaum hnov txog lub npe tus Cawm Seej, nkawd tau xav txog ib yam uas muaj nqis heev, ib txoj kev sib txuas ua ke nrog tej lus tau cev ua ntej nyob hauv Vajluskub Qub qhia txog Tswv Yexus yog tus Mexiyas. 

Nyob hauv Mathais 1:20-21, Vajtswv tus tim tswv tshwm los hais rau Yauxej hauv npau suav tias. Tim tswv kom Yauxej txhob txajmuag thaum yuav Malis los ua nws pojniam: 

“…Rau qhov twb yog Vaj Ntsujplig tus Dawbhuv ua rau Malis xeeb tub. Malis yuav yug ib tug metub, koj yuav tsum tis tus metub ntawd npe hu ua Yexus, rau qhov nws yog tus uas yuav los cawm nws haivneeg kom lawv dim lawv lub txim.” 

Tswv Yexus tes haujlwm, yog Nws lub suab hu tseg rau koj thiab kuv, tau nthuav tawm rau Yauxej thiab Malis nkawd lub sijhawm ntawd. Yog ib tug neeg Yudais, nkawd yeej nco ntsoov cov cev lus twb tau cev ua ntej ntev heev los lawm. Piv txwv li nyob hauv Ntawv Nkauj 27:1, “Tus Tswv yog lub teeb rau kuv porn kev thiab yog kuv tus cawmseej, kuv yuav tsis ntshai leejtwg hlo li.” 

Lossis thaum yuav xaus Ntawv Nkauj 91, Vajtswv hais tias: 

“Kuv yuav cawm cov neeg uas hlub kuv…Kuv yuav pub lawv muaj sia ntev ua neej nyob; thiab kuv yuav cawm kom lawv dim."

Nyob rau hauv lus Henplais, lo lus “cawmdim” nws muaj lub suab hais ib yam li “Yexus”. Kev cawmdim yog kiag Tswv Yexus lub npe!

Yog ib tug ntseeg Vajtswv, peb ntseeg Tswv Yexus thiab paub tias Nws tau cawm peb dim ntawm peb tej kev txhaum. Lub txim rau rau peb tej kev txhaum raug rhuav tshem, peb tsis raug foom phem lawm, peb tau txais los nyob rau hauv Vajtswv tsev neeg, thiab peb yog Vajtswv cov menyuam. Tiamsis kev cawmdim tsis yog tsuas yog tej uas Tswv Yexus tau ua rau peb saum Ntoo Khaub Lig xwb. 

Nco ntsoov Tswv Yexus tej lus tau hais nyob rau hauv Yauhas 17:3. “Txojsia ntev dhawv mus ibtxhis ntawd yog qhov uas lawv paub koj thiab paub hais tias koj tib leeg thiaj yog Vajtswv thiab paub Yexus Khetos tus uas koj txib los”. 

Tswv Yexus yog txoj kev cawmdim. Yog kuv tus Cawm Seej. Ntawd yog lub ntsiab lus ntawm Tswv Yexus lub npe nyob rau hauv cov neeg Yudais cov lus. Tus Tswv yog kuv tus Cawm Seej. 

Txawm koj yuav nyob qhov twg, txawm yog tej uas koj tabtom ntsib yog dab tsi, xij peej koj tab tom mus dhau ib lub tiaj nrag tsaus ntuj nti, lossis sawv saum roob siab uas yog lub roob koob hmoov, los nco ntsoov tias kev cawmdim yog Tswv Yexus. Nws yog tus Cawm Seej los yug ua neeg. Tswv Yexus tab tom tshwm ntsej muag nrog koj nyob ua ke ntawd, thiab Nws yog tus uas yuav ua tiav yam uas tsuas muaj Nws tib leeg xwb thiaj yuav ua tau pub rau koj. Yog li, cia li ntseeg siab rau Nws. Nws yog tus ncaj ncees. Nws yog tus muaj kev hlub. Nws yog tus zoo kawg nkaus. Thiab Nws yuav pab koj hla dhau – vim Nws yog tus Tswv, yog koj txoj kev cawmdim.

Thov caw nrog kuv peb thov Vajtswv ua ke

Qhuas Tswv Yexus yog tus Cawm Seej, yog peb lub hauv paus siav! Koj yog tus raug ywg roj los rau hauv ntiajteb no cawm peb dim peb tej kev txhaum thiab pub txojsia ib txhis nyob hauv Vajtswv rau peb. Thov pab kom peb yuav nthuav tawm Koj lub npe uas cawmdim no rau tej neeg ib ncig. Kuv thov hauv Tswv Yexus Khetos lub npe. Amees.

Cov kwv tij, tamsim no koj lub neej tab tom tau zoo lossis tab tom ntsib ib qhov teeb meem kev sim siab twg? Txawm zoo li cas los, nco ntsoov tias Vajtswv niaj hnub nrog nraim koj nyob txhua thaj chaw uas koj mus, thiab Vajtswv yog tus yuav cawm kom koj dim ntawm tej thaj chaw uas txomnyem. Cia li tseg lub koob tsheej xyoo no los qhuas peb tus Tswv Yexus Cawm Seej – uas yog Cawm Seej Tswv Yexus.

Nyob zoo sawv daws, thov foom kom ib hnub tshiab tau txais koob hmoov zoo thiab mam sib ntsib rau taig kis!

Cov kwv tij, yog koj xav paub ntxiv txog Tswv Yexus lossis koj muaj tej kev khwv twg, kev khuab xeeb twg xav hais qhia rau peb paub, thov nej sau ntawv cia nyob rau tom qab zaj kawm, inbox ntawm fanpage hauv Facebook, lossis xa ntawd email rau hauv thaj chaw:[email protected]. Tswv Yexus hlub koj.Thiab peb xav kom txuas tau nrog koj.